Bertsoak - Fitxa ikusi   Atal honi buruz gehiago jakiteko

1997-05-25 Anoeta Jaialdia [Bertsoa] / Aitor Mendiluze

Bertsoa entzun  

Informazio orokorra

Kategoria
Bat-batekoa
Saioa
1997-05-25 Anoeta Jaialdia
Gai-jartzailea
Peñagarikano, Anjel Mari
Bertsolariak / Egileak
Mendiluze, Aitor
Lana
Bakarka gaia-emanda
Jarritako gaia
Arotza haiz, baina herrian inork ez hau hire izenez ezagutzen; egun batean hanka moztu ziaten eta ordutik denek "patapalo" ezizenez ezagutzen hau.

Deskribapena

Doinua
Gogoan daukat ez du aspaldi
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1997-05-25 Anoeta Jaialdia [Bertsoa] / Aitor Mendiluze

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Istripu batez hanka ebaki,
aspaldian gertatu zen;
geroztik beti patapalo naiz,
hala deitzen naute ozen.
Umeek beti "hor dator eta,
hortaz trufatu gaitezen";
haiek bezela helduek ere
ez dute jokatzen zuzen,
denek dakite zer dedan baina
inork ez daki nor naizen (bis)

Nik izan dedan zoritxar horren
errua gaur neri bota,
besteek parre eginagatik
ezin det inor gorrota.
Bainan askotan aritu ohi naiz
lehengoarekin mokoka,
patapalo-ta horrela deituz
badabiltza adar joka
eta mamizko bihotz txikia
ez zaio inori inporta. (bis)

Egun batean makinarekin
ez nintzen aritu trebe;
horregatik det hanka faltsu bat,
ez da neuretzat mesede.
Beste inorrek ez deun ezkero
begirunez hainbat fede,
ni beti nabil bakarrik eta
burumakur bada hobe,
ta gero berdin segi beharko det
kojoka banoa ere. (bis)

Datu-base honetan eskainitako informazioari buruz jakiteko, kontsultatu lege oharra