BDB Bertsolaritzaren datu-basea

Informazio orokorra

Kategoria

Bat-batekoa

Saioa

1996-06-24 Andoain Jaialdia

Gai-jartzailea

Oiartzabal, Joxe Manuel

Bertsolariak / Egileak

Murua, Iñaki

Lana

Bakarka gaia-emanda

Jarritako gaia

Hi heu lanbidez irakaslea haiz eta gaztetxo hintzela lana izango huela eta aitak estudiatzeko esaten zian. Zer esan behar diok orain heure semeari?

Deskribapena

Doinua

Nafarroako mendi gainetan

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1996-06-24 Andoain Jaialdia [Bertsoa] / Iñaki Murua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Badut seme bat ta haren geroan
jarri nahi nuke arreta.
Haren aitonak neuri esana
daukat goguan gordeta;
neuk berarentzat eman beharko det
haren tankerako buelta:
segi estudiatzen, lana bilatzen
nahiko lan badaukak-eta! (bis)

Bainan gaur egun etsi ezkero
gureak ein du zeharo,
ta bizitzari txikitatikan
jo behar zaio hordago!
Ikastea da amaitze'ztana
igo nahi bada gorago,
ikasi-eta gaur zaila dago
ikasi gabe zailago. (bis)

Hori esanda gehio zer esan?
Hortan beharko det laga,
teori gehitxok ere sarritan
nola egiten dun traba.
Ikaste eta lanan kontuan
hemen jo nahi det aldaba:
norbaitek duda egiten badu
ikastea ere lana da. (bis)