Bertsoak - Fitxa ikusi Atal honi buruz gehiago jakiteko
1982-11-28 Idiazabal Txapelketa 11:30 [Bertsoa] / Jon Azpillaga, Jon Lopategi
| Bertsoa entzun |
1982-11-28 Idiazabal Txapelketa 11:30 [Bertsoa] / Jon Azpillaga, Jon Lopategi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Lopategi
Gazte nintzala ihes joan nintzen
txori horien antzera
maite bait nuen kanpo aldeko
edertasun haien zera
oi gurasoa beti bezela
bihotz oneko bazera
garai bateko seme galdua
badator berriz etxera.
Azpillaga
Grazi haundirik etzidan egin
semea etxetik juatiak
juan zinanetik etxe bizitzan
izan ditugun kaltiak,
berriz etxera badatorrela
esan du seme maitiak
nai dezunean etorri zabal
zabalik daude atiak.
Lopategi
Bildurrez nengon sortu ote zen
zuretzako endredoa
gaurkoa sarri lilluragarri
ta penagarri geroa,
era hortara engañatu zen
behin nere buru eroa
baiña sarritan gogoratu zait
nere etxearen beroa.
Azpillaga
Gaxorik dator berakin badu
katarrua ta eztula
gurasoari ez egin berriz
seme horren beste burla,
juan ziñan baño zure iruipena
etzate aztu sekula
hortik pentsatu aitak semea
hainbeste maite zaitula.
Lopategi
Maitasun askok sortzen du sarri
horretako abusua
eta nik ere emana nuen
abenturazko pausua
baiña berriro zabalik daude
bihotza eta besua
seme guztiek ez dute izaten
horrelako gurasua.
Azpillaga
Etorri eta bere gauz danak
esaten ditu frankorik
ikusten danez maitasunean
ere ez dator plakorik,
berriz aitari eta amari
ez botarazi malkorik
munduan ere ez dagolako
etxea bezelakorik.
Lopategi
Arrazoi onak eman dituzu
garaiz edo beranduan
eskarmentu bat falta zen eta
hori ere jaso genduan
egi antzera gezur ugari
izaten baita munduan
gaurtik aurrera seme leial bat
izango duzu onduan.
Azpillaga
Semean falta etxean zer dan
ni konturatu naizela
eta zuk ere behar zenduen
zeure etxeko epela,
hontaz aurrera lehen baiño hobeto
gu konpondu gaitezela
aita semea bizi gaitezen
lagun haundiak bezela.
Datu-base honetan eskainitako informazioari buruz jakiteko, kontsultatu lege oharra