Bertsoak - Fitxa ikusi Atal honi buruz gehiago jakiteko
1980-01-06 Donostia Txapelketa 17:00 [Bertsoa] / Xabier Amuriza, Jon Enbeita
| Bertsoa entzun |
1980-01-06 Donostia Txapelketa 17:00 [Bertsoa] / Xabier Amuriza, Jon Enbeita
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Amuriza:
Berriz lanean asi
bukatu gaberik,
gorputza badaukat nik
ezurrez beterik;
zure aurrean nago
ollar ta tenterik,
zuk eztuzu ortako
abillidaderik.
Enbeita:
Zuk neri ez didazu
gaur amodiorik,
eta egin nai zeunke
gauza seriorik;
baña oindik etzera
ortako jaiorik,
ni austeko ez dezu
oindik baliorik.
Amuriza:
Zure balio ori
al da nire diña?
Emango dizut nik bat
ta zuk artu miña.
Nora arraio zatoz,
ijitu ziztriña?
Obe zendun olloa
jaio izan bazina.
Enbeita:
Berriz ludira ez baaiz
obea sortuko,
nere garaitza ez duk
ondotik kenduko;
asi orduko artu
egik akorduko:
neuk eutsiko ditzudaz
zeuk eutsi orduko.
Amuriza:
Bakoitzak egin bear
beraren arnetsak,
kontrarioak gara
gorri eta beltzak;
bakoitzak emen ditu
beraren defensak,
zuk niri ezurrak eta
nik zuri saietsak.
Enbeita:
Egon zaite, laguna,
gai ortan ziurrik,
ez dizut iñoiz izan
nik zuri bildurrik;
euli bateri ezin
zuk autsi ezurrik,
zarata asko baña
ez dezu intxaurrik.
Amuriza:
Gabiliza akerraren
adarren antzera,
elkar desafioka
aurrera-atzera;
nirekin konpontzeko
jaioa etzera,
agur ta zoaz txakur-
-ezurrak biltzera.
Enbeita:
Alperrik zu biurtzen
nik egin alegin,
zure buru arroa
pixkat jetxi dedin;
etzera konturatzen
eta artzen det min,
egur txarretik ezin
ezpal onik egin.
Datu-base honetan eskainitako informazioari buruz jakiteko, kontsultatu lege oharra