Bertsoak - Fitxa ikusi Atal honi buruz gehiago jakiteko
2007-10-21 Irun Txapelketa [Bertsoa] / Aitzol Barandiaran, Jon Martin
2007-10-21 Irun Txapelketa [Bertsoa] / Aitzol Barandiaran, Jon Martin
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J. Martin: Ubeldura moreak
gorriak urdinak
ta min ematen dizu
kontatu ezinak;
babestu nahi zintuzke
aitan maiteminak;
ubel horiek dira
eskuek eginak
baina esku guztiak
ez dira berdinak.
A. Barandiaran: Nahiz eta ez ibili
zugatik aparte
ez zera konturatu
gaur iluntzerarte:
ubelduak orkatil
masail ta besape;
aita sinets nazazu
izua naukate;
zuri ez kontatzeko
esaten didate.
J. Martin: Etxera heldu zara
ubeldu samarrik
munduan ez dalako
aitatxo kaskarrik.
Nik ez ez diet joko
ez egin gauz txarrik
baina zu babestu bai
eta ez alperrik
hemendikan aurrera
ez zaude bakarrik.
A. Barandiaran: Zurekin ta bakarrik
a ze parabola!
Itxi-itxia daukat
aitatxo oskola
ta sekatu berria
ahoko odola;
gogoan det aita zuk
esana behinola
jotzaileari eman
egin behar niola.
J. Martin: Zu hola ikusteak
ematen dit pena;
nik esan nizun noizbait
jo behar niena
baina ez da horixe
egingo dutena;
eskolaz aldatzea
hori da aurrena
ez erantzutea da
eraginkorrena.
A. Barandiaran: Baina ez det nahi bizi
nik zuen gerizan;
errez-errez diozu
"Seme txintxo izan"
ni zure seme kuttun
jatorra bainitzan
berriz kalera noa
goizeroko gisan;
mesedez hau amari
ez zaiozu esan.
Datu-base honetan eskainitako informazioari buruz jakiteko, kontsultatu lege oharra