Bertsoak - Fitxa ikusi Atal honi buruz gehiago jakiteko
2007-10-06 Elgeta Txapelketa [Bertsoa] / Manu Goiogana, Alaia Martin
2007-10-06 Elgeta Txapelketa [Bertsoa] / Manu Goiogana, Alaia Martin
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
M. Goiogana: Hasi behar dira gure
bizitzak zapuzten
ez dakit horrekin ze
helburu dituzten;
hastea bizi garen
bizitza hau puzten
hastea guk daukagun
bidea erakusten
lasai bizitzen ere
ez digute uzten.
A. Martin: Zure ustez arazo
larri bat daukagu
ni berriz sentitzen naiz
horretatik salbu:
heriotza gizarte
honetan da tabu
heriotzetik gertu
biziko gara gu;
bizi osoa ere
hola daramagu.
M. Goiogana: Baina horrek badauka
erremedioa
hori kentzea bada
gure desioa;
ez nuke goiz eman nahi
nere adioa
hori egite hutsa
ez da serioa
auzoa bihurtzea
tanatorioa.
A. Martin: Ez dakit nola duzun
hainbeste apuru
diskurtsoak absurdo
itxura hartu du;
heriotza ahaztea
al duzu helburu?
Egunero gorpuak
ikusiz seguru
heriotza onartzen
ikasiko dugu.
M. Goiogana: Ematen du hiltzeko
gogoez zaudela
tanatorioa egin nahi
dutenak bezela;
heriotza da gauza
zeharo krudela
manifa egingo dugu
protesta itzela;
hilda daudenek ere
entzun dezatela.
A. Martin: Umore beltza duzu
orain azkenean
ze odol hotza duzun
zainen barrenean!
Kalte ez digu egiten
pentsatu denean;
erreparatu nuen
zure hutsunean
errauskailua jarri
zuten egunean.
Datu-base honetan eskainitako informazioari buruz jakiteko, kontsultatu lege oharra