Bertsoak - Fitxa ikusi Atal honi buruz gehiago jakiteko
2007-09-22 Orio Txapelketa [Bertsoa] / Beñat Gaztelumendi, Agin Laburu
2007-09-22 Orio Txapelketa [Bertsoa] / Beñat Gaztelumendi, Agin Laburu
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Rezola: Hamar urtekin ume txiki bat
degu guk biok tarteko;
problemik ez du euskaraz jardun
ta jartzen dana jateko
ta haurrak bizi beharko luke
ahal duen eta hobeto;
ume bat ez genuen ekarri
nahi genuna egiteko.
B. Gaztelumendi: Baino gure ta bere desirak
elkar daitezke tarteka
txikitatikan maitasun goxoz
tratatu genuen eta;
bere guraso biologiko
hoien bila zertan neka?
Biologiak ez du osatu
umearen heziketa.
A. Rezola: Biologiak zer egin duen
ba biologiak zero
baina umea ikus daiteke
gure besoetan bero.
Zuk esan dezu heziketarik
ez dula osatu edo;
zuk ere ez dezu osatuko
hori ukatu ezkero.
B. Gaztelumendi: Baino gutxinez izan daiteke
gu biok bizitzeko gai
ta ez dadila ipini lehengo
guraso txar horien zai;
haien ondora juanda ez da
bera sentituko alai;
orain zergatik maiteko dute
lehenago ez bazuten nahi?
A. Rezola: Badakit ondo haiek ez daude
Ander noiz ikusiko zai
baina denbora bihur liteke
horrelakoetan etsai
ez dutela ez maiteko ere
esaten didazu lasai;
gurasoek haurra agian ez
baina haurrak gurasoak bai.
B. Gaztelumendi: Baino gu gera bere guraso
badator gure ondora;
hamar urtean maitatu degu
ta hamar urte da denbora
beraien bila joanez gero
ez gera helduko inora:
bi gurasoak aurkitu eta
familia galduko da.
Datu-base honetan eskainitako informazioari buruz jakiteko, kontsultatu lege oharra