BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-09-30 Arrasate Txapelketa

Gai-emailea

Zaldua, Ion

Bertsolariak / Egileak

Barandiaran, Aitzol

Iriondo, Asier

Lana

Binaka gaia-emanda

Jarritako gaia

Elkarrekin etorri zarete autoan, eta aparkatzen ari zaretela, alboko kotxea jo duzue. Zuk, Aitzol, ospa egin nahi duzu. Asierrek ohartxo bat utzi nahi du.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-09-30 Arrasate Txapelketa [Bertsoa] / Aitzol Barandiaran, Asier Iriondo

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Barandiaran: Saiorako korrika
presaz genbiltzala
aparkatzen hasi naiz
nola edo hala.
Ez al zera ohartu
Asier aibala
fokoa lehendik ere
hautsita zeukala? (bis)

A. Iriondo: Fokoa hautsita zun
eta guk sakondu;
ez gera ondo ibili
honako hontan gu;
oharra utz dezagun
ta hartu gure kargu
nahi badezu bertsotan
utziko diogu! (bis)

A. Barandiaran: Ford fiesta gorri bat
txukun eta lerden...
Giztoa izan zaitez
gaurkoan bederen!
Santu pintak egiten
hasi zera hemen...
zurea izan balitz
ulertuko nuen. (bis)

A. Iriondo: Ohartu naiz nik marka
berdina daukala
ta sentitu nerea
balitza bezala;
oharra utziko dut
nola edo hala;
antolakuntzai esan
berandu noala. (bis)

A. Barandiaran: Hala egin behar da
dagokigunean;
pixka bat larritu naiz
lehenengo unean.
Papera jarriko det
lasaitasunean
seguroa egiten
dedan egunean. (bis)

A. Iriondo: Hori horrela bada
ez dago hain errez
baina lanean utzi
gaur niri mesedez;
horrenbeste presa ta
horrenbeste estres...
Behintzat jarriko diot
"Izurratu zaitez!". (bis)