Bertsoak - Fitxa ikusi Atal honi buruz gehiago jakiteko
2007-12-01 Ordizia Txapelketa [Bertsoa] / Aitor Mendiluze
2007-12-01 Ordizia Txapelketa [Bertsoa] / Aitor Mendiluze
Neurria:
Neurri berezikoak
Kokapena:
XDZ - Xenpelar Dokumentazio Zentroa
Badatoz eguberriak
sosak uzteko aukera;
armiarma sareekin
geratuko da kartera.
Gu ilusioz beteta
jostailu denda batera
inguratuko gera ta
han zer egongo ote da?
"ez al da konsumismoa?"
da urteroko galdera.
Bai, baina ez zaigu inporta
San Tomasak aldera.
Nahiz eta jakin ez dela
haurrak hezitzeko era
aitzaki edo arrazoi
erori egiten gera.
Apal artean panpin bat
agertu zen azkenean;
"hauxe behar det" pentsatu
ta saskira zuzenean;
"honekin asmatuko det
eta umore onean"
irten nintzen ni dendatik
lasai ezin egonean.
Jo, Arkaitz hau oparia
Eguberri egunean!
Bost hilabeteko haurra
iltzatuta garunean;
nahiz ez ulertu opari
hau jasotzen duzunean
nik beste bat jasoko det
begiratzen nauzunean.
Sosetan nola neurtu
liteke amodioa?
Zein da irripartxo horrek
ote duen balioa?
Ez dakit baina neuretzat
hain da gauza serioa
opari txiki bat dela
gaitzen erremedioa.
Bai, bai gero izango da
kexa eta sesioa:
bateko eredua ta
bestetikan prezioa;
halere hau ematea
da nik dedan desioa
hain baita gauza handia
haur baten ilusioa.
Datu-base honetan eskainitako informazioari buruz jakiteko, kontsultatu lege oharra