Bertsoak - Fitxa ikusi Atal honi buruz gehiago jakiteko
1990-02-24 Ituren Txapelketa [Bertsoa] / Bittor Elizagoien, Euxebio Fagoaga "Fagoaga I"
1990-02-24 Ituren Txapelketa [Bertsoa] / Bittor Elizagoien, Euxebio Fagoaga "Fagoaga I"
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
B. Elizagoien:
Ihauteriak dira
hauetxek zaratak
mozorrotzeko ere
ez gara apartak
belarritan baditu
urre eta txapak
emango dizkot orain
punkien zapatak.
E. Fagoaga:
Jersea haundigia
ta gorriak galtzak
honek apaindu behar
egindako saltsak
tori bi larru eta
gusto onez har zak
hi baino finagoak
badirade artzak.
B. Elizagoien:
Belarritakoekin
hauxe ijitoa
hola azaltzen data
hori betikoa
eta egitekotan
punki konpletoa
bakarrik faltatzen zaik
hortxe kanutoa.
E. Fagoaga:
Ez itzazue egin
irri edo parrak
hau artzaz beztitzeko
baditut txatarrak
etxeko sabaian ere
badira larru zaharrak
to lehen esan duena
andregaian adarrak.
B. Elizagoien:
Adar kontua ere
honetxek esana
eta horrelakoa
dadukaten plana
punki izatea da
beraren afana
gainera bera degu
denen kapitana.
E. Fagoaga:
Ihauteriz Lesaka
joan behar goizian
ta planta ederrakin
honuntz etortzian
ta nahi nuke gustora
zauden zu jantzian
dotorea badaukat
txekor pizontzian.
Datu-base honetan eskainitako informazioari buruz jakiteko, kontsultatu lege oharra