Bertsoak - Fitxa ikusi Atal honi buruz gehiago jakiteko
1992-04-05 Iruñea Txapelketa [Bertsoa] / Ernest Alkhat
1992-04-05 Iruñea Txapelketa [Bertsoa] / Ernest Alkhat
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Miseria zen ene herrian
hori zer ezin bertzea
nik ere zerbait jan nahi eta
aldamenean gosea
asko gosta zait nere herritik
zuen herrirat heltzea
zailago berriz nigarrekilan
harat berriz itzultzea
holako pekatua ote da
ogiaren eskatzea? (bis).
Neure herriko poliza ere
nuela nik gorrotatzen
mundu guzian berdinak dira
hori zait bai iduritzen
nere paperak ta ageriak
nunbeit dituzte gordetzen
eta gainera beltza naizenez
tristeki naute baztertzen
noizko egunak elgarrekilan
pakean bizi gaitezen (bis)
Itsaso eta menditan gaindi
bidaia nuen egina
nere herria hola uzteko
banuen bai bihotz mina
esperantza zen zuen herria
bilatzeko atsegina
etorri eta itzuli behar
gelditzea zaut ezina
puska nezazke polizia ta
puskanio hegazkina (bis).
Datu-base honetan eskainitako informazioari buruz jakiteko, kontsultatu lege oharra