Bertsoak - Fitxa ikusi Atal honi buruz gehiago jakiteko
1993-03-14 Heleta Txapelketa [Bertsoa] / Jexus Arzallus, Jean Pierre Mendiburu, Iñigo Olaetxea
1993-03-14 Heleta Txapelketa [Bertsoa] / Jexus Arzallus, Jean Pierre Mendiburu, Iñigo Olaetxea
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J.P. Mendiburu:
Eliz atean nintzen
gizongaiaren zai
amodio sugarra
bait da gure itzai
ez datorrela jakin
izana dut orai
nere bizilaguntzat
ez dut besterik nahi (bis).
J. Arzallus:
Ezkontzako bezperan
nahi zuen kontsola
besta izigarri bat
egina du hola
ta poliziak zeukan
gauz horren axola
ezkontzeko trenpuan
ez du gaur odola (bis).
I. Olaetxea:
Ondo dakit alkohola
oso txarra dala
hargatik orain hemen
dadukat itzala
baina aterako naiz
orain nola hala
kontutan hartu asko
maite zaitudala (bis).
J.P. Mendiburu:
Polizia ez bait zaut
gogoen sokorri
zerbiet atxeman dute
gaur gizongai horri
bainan alegera naiz
iduri goiz txori
gizon maitea otoi
lehen bait lehen etorri (bis).
J. Arzallus:
Emaztegaia txuriz
jantzia da hara
poliziak senarra
sartu kartzelara
ezkontzea zuk gaurkoz
behar duzu laga
bihar ezkonduko da
sendatutzen bada (bis).
I. Olaetxea:
Ezkontzeko banuen
nik ere antxia
baina orain badaukat
hementxe hesia
itzalpean nago ta
badu garrantzia
horren errudun berriz
dugu polizia (bis).
J.P. Mendiburu:
Errudun polizia
zer gizon zorrotza
bere bizarrarekin
ez bait dut arrotza
ta zu kartzela hortan
ez egon hotz-hotza
zatoz bero nigana
eiteko ezkontza (bis).
J. Arzallus:
Senarrak bezperatik
sobera edan du
ta ordena jartzeko
nolatan geran gu
oraindik ere ez da
hemen fitxik galdu
maitasunantzat nehoiz
ez bait da berandu (bis).
I. Olaetxea:
Ezkontza kontuekin
gora eta behera
orain bertan nijoa
hauxe esatera
hemendik irteteko
ez daukat aukera
besterik ez bada bihar
ezkonduko gera (bis).
Datu-base honetan eskainitako informazioari buruz jakiteko, kontsultatu lege oharra