Bertsoak - Fitxa ikusi Atal honi buruz gehiago jakiteko
1999-12-05 Tolosa Txapelketa [Bertsoa] / Amaia Agirre, Jon Garmendia "Txuria"
1999-12-05 Tolosa Txapelketa [Bertsoa] / Amaia Agirre, Jon Garmendia "Txuria"
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Txuria:
Monja honek berea
nola egin duan
ez det oso egoki
ikusi orduan.
Bi ohe jarri hemen
bikoen moduan
zuk egin behar al dezu
lo gure onduan?
A. Agirre:
Ez naiz joango ez zan
besterik faltako!
Izebak sortu dizu
ustekabe franko.
Bi oheko gela da
gaur egun modako
zuek biok haserretzen
zeratenerako.
Txuria:
Ohe handia nuen
asmoan gordeta,
baina txikiegiak
ote diren gerta.
Haserre kontuetan
ez eduki kezka
lehenengo haserraldia
orain dugu eta.
A. Agirre:
Haserrerik sortzea
ez nuen espero
bikote hau ez dago
uste bezain bero.
Txikiak dirala ta
hainbeste enredo,
ez da ohe makala
juntatu ezkero!
Txuria:
Bi ohe txikiekin
zer nolako traba!
Monjatxo sortua zait
halako algara
bihak eltkartuta're
txikiegia da
aizu gu maitasunean
oso onak gara.
A. Agirre:
Atsekabez josia
det orain barrena
egin nahi nizulako
opari onena.
Zuek jokerak eman
dit pilo bat pena
ohea bada zuen
kezka handiena.
Datu-base honetan eskainitako informazioari buruz jakiteko, kontsultatu lege oharra