BDB Bertsolaritzaren datu-basea

Informazio orokorra

Kategoria

Bat-batekoa

Saioa

1990-03-30 Urretxu Jaialdia

Gai-jartzailea

Sagastibeltza, Juanjo

Bertsolariak / Egileak

Lopategi, Jon

Murua, Iñaki

Lana

Binaka gaia-emanda

Jarritako gaia

ETBko erreportariak zarete eta munduko berri eman.

Deskribapena

Doinua

Arratsalde on lehendabizitik

Neurria / Estrofaren izena

Zortziko handia (hg) / Lau puntuko handia (ip)

Edukiari buruz

Entitateak

Euskal Telebista (ETB)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1990-03-30 Urretxu Jaialdia [Bertsoa] / Jon Lopategi, Iñaki Murua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Murua
Erreportaiak egiten gabiltz
lan hori degu berezi,
ea mundua ezagutzea
ba ote zuen merezi,
bazter denetan amerikarren
adarrak ditut ikusi,
hemen bezela gainontzean e(re)
injustizia nagusi. (BIS)
Lopategi
Munduan zehar hedatu degu
jakin nahiean begia,
nola ikusi, hala azaldu
nahi genuke guk egia,
Ameriketan dolar asko da
baina hau da komeria,
handikan ere batzuentzako
negarra ta miseria. (BIS)
Murua
Afrikan ere gosez herria,
buru makur ta umila,
alde hortako jende tristea
lehenbailehen jeiki dedila,
Perestroika (e)re Rusin ez zaigu
nahi bezela korapila,
Lituanian hemen bezela
dabiltz askatasun bila. (BIS)
Lopategi
Hargatik degu bihotza bero,
hargatik degu ardura,
berri hoiexek zabaldu dira
aspaldi hontan mundura,
Perestroika(re)kin gertatu dena
guk e(re) guretzako gura,
Euskal Herrira ekar dezagun
Lituaniako guda. (BIS)
Murua
Hego Amerikan izan ditugu
azken berri hain ozenak,
eta emaitzak indarra(re)n bidez
jakinean zetozenak,
suntsitu ditu mamu haundiak
Sandinista hoien ahalmenak,
haien ametsak tristetu ditu
Txamorroren garaipenak. (BIS)
Lopategi
Berri horrekin ni harritua
gelditu nitzan zeharo,
mundu guztira demokrazia
zabaltzen bait zen oparo,
Txamorro horren garaipenetan
errezeloetan nago,
pobreak beti segituko du
gero eta pobreago. (BIS)