Bertsoak - Fitxa ikusi Atal honi buruz gehiago jakiteko
1990-09-28 Gaintza (G) Jaialdia [Bertsoa] / Sebastian Lizaso
| Bertsoa entzun |
1990-09-28 Gaintza (G) Jaialdia [Bertsoa] / Sebastian Lizaso
Neurria:
Neurri luzekoak
Kokapena:
XDZ - Xenpelar Dokumentazio Zentroa
Hainbeste amets egindakoa
ikustean hain urrean,
lehenez gainera jarri nintzaden
sasoian da indarrean,
aurreko marka denak hausteko
zer aukera ederrean,
xerpa ta biok saiatu ginan
ekitaldi bakarrean,
ametsa egi bihurtu gendun
behingoz halabeharrean,
begiak ere denak bustita
pozez erdi negarrean,
sentimentu bat bakarra nuen
ikurriñaren aurrean,
zenbaitek oinpean nahi duena
munduaren gaiturrean.
Mendiak nahiz ta hainbat oztopo
eta traba erakutsi,
hainbesteraino urreratu ta
kolpean behintzat ez etsi,
egun hobeak izan ditezke
bihar ezin bada etzi,
baina halare kontuz ibili
zuen bizirik ez utzi,
taldean dagon anaitasuna
inola ez bedi hautsi,
itxaropena zuengan dago
besterik gabe sinetsi,
Euskal Herritik Himalayara
oihu hau bedi iritsi:
Aupa, mutilak, mila zorion
eta eginari eutsi!
Datu-base honetan eskainitako informazioari buruz jakiteko, kontsultatu lege oharra