Bertsoak - Fitxa ikusi   Atal honi buruz gehiago jakiteko

1989-01-15 Donostia Jaialdia [Bertsoa] / Juan Inazio Begiristain, Florentino Goiburu, Euxebio Igartzabal, Patxi Iraola, Mikel Mendizabal, Xabier Zeberio "Zeberio I"

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Eguna (21. 1989. Donostia)
Saioa
1989-01-15 Donostia Jaialdia
Gai-emailea
Murua, Iñaki
Xabier "Euzkitze"
Bertsolariak / Egileak
Begiristain, Juan Inazio
Goiburu, Florentino
Igartzabal, Euxebio
Iraola, Patxi
Mendizabal, Mikel
Zeberio, Xabier "Zeberio I"
Lana
Seinaka gaia-emanda
Jarritako gaia
Mendizabal, karteroa; Zeberio, kozineroa; Begiristain, medikua; Goiburu, barberoa; Patxi Iraola, kapitaina eta Igartzabal, korneta.

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1989-01-15 Donostia Jaialdia [Bertsoa] / Juan Inazio Begiristain, Florentino Goiburu, Euxebio Igartzabal, Patxi Iraola, Mikel Mendizabal, Xabier Zeberio "Zeberio I"


Kokapena:  XDZ - Xenpelar Dokumentazio Zentroa 


Igarzabal
Turuta hasiko naiz
ta ez jarri triste,
eguna zabaldu du
ta jeiki zaitezte.
Iraola
Ni kapitana naiz ta
hauek soldaduak,
denak ez izan arren
oso ondraduak.
Goiburu
Ni hastean makinan
edo guraizan,
txukundutzen ditut naiz
aldrebesak izan.
Begiristain
Ni mediku jauna naiz
ta mutil formala,
kuadrila hau sendatzeko
nola edo hala.
Zeberio I
Sukaldaritzan badet
hamaika bero lan,
hiru zaku patata
hor dauzkat perolan.
Mendizabal
Karteroa badator
postal eta kartaz,
baina entenditzeko
hok ez dira kapaz.
Igartzabal
Ze langintza daukadan
zazue pentsatu,
musikaz lo harrerak
musikaz esnatu.
Iraola
Hik badakik goizetan
nagiak dirana,
kupirarikan gabe
jo zak hik diana,
Goíburu
Nik moztutzeko hemen
horrenbeste asto,
bi hankakin haundiguak
ez dirade asko.
Begiristain
Ibiltzen diralako
argi gorrietan,
pixa ezin eginik
bazter guztietan.
Zeberio I
Patatakin beteta
daukat perolea,
asko ez dadin mugitu
hauen pendolea.
Mendizabal
Gaurkoan jaso dute
alprojak dira-ta,
zortzi hilabetetan
lehenbiziko karta.
Igartzabal
Pelukeroak sartu
nahi gaitu zeruan,
hargatik eskailerak
e(g)in digu buruan.
P. Iraola
Kozinerua ere
granuja galanta,
haragia berak jan,
guretzat patata.
Goiburu
Kozinerua beti
hor ari da jaten,
lertu egingo zaigu
halakoren baten.
Begiristian
Sidaren kontra zerbait
badet ekarria,
gaztainarekin eginda
pastilla berria.
Zeberio I
Karteroa ere ez dabil
paso lijeruan,
Aste Santuko karta
atzo jaso nuan.
Mendizabal
Seilu gabeko karta
iritsi ezin da,
leitzen ez dakizu ta
zuretzat berdin da.
Igartzabal
Medikua daukagu
normala ez dena,
jiringilan lekuan
akuilu eztena.
Iraola
Mediku honek badu
hainbeste inbentu,
gaztainak gaixotua,
gaztainak sendatu.
Goiburu
Mandazai behar zana
degu medikua,
gaixo dagona hiltzeko
berealdikua.
Begiristain
Barberua hasi da
makina hartuta,
astoak mozten ere
ikasi ez du-ta.
Zeberio I
Enkargu bat badoa
aizu barberua,
jota zero moztu zazu
gure karterua.
Mendizabal
Kapitanan andreak
nun du teilatua,
horren karta Parisen
dago seilatua.
Igartzabal
Kapitana agindu,
zuk betiko esan,
kerida datorrenen
zer jo behar dedan.
Iraola
Keridari jotzeai
hik utzi akiok,
jo behar zaionean
neuk e(re) joko diot.
Goiburu
Kapitanak naiz izan
hainbeste kerida,
ia ez du balio
txarrena hori da.
Begiristain
Bukatutzeko hauen
jolasgure dana,
metroko orratzakin
indizio bana.
Zeberio I
Medikua ekar zak
hire kartillea,
txikitu ta egingo
diat tortillea.
Mendizabal
Gaurko desfile hauxe
buka zagun hemen,
golpe de Estado bat
etorri baino lehen.
Denak
Furra-furra fandangua
lista pasa degu eta
tabernara guaz.

Datu-base honetan eskainitako informazioari buruz jakiteko, kontsultatu lege oharra