Bertsoak - Fitxa ikusi Atal honi buruz gehiago jakiteko
1992-11-08 Urepele Jaialdia [Bertsoa] / Jon Sarasua
| Bertsoa entzun |
1992-11-08 Urepele Jaialdia [Bertsoa] / Jon Sarasua
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ez da batere gauza erreza
galdera horren erantzuna,
gure Planeta urdina dela
askotan dugu entzuna,
baina barruan galtzen ari da
kolore aniztasuna,
kolore bakar kontrastedun bat
da munduan daukaguna,
Iparraldean argia eta
Hegoaldean iluna. (BIS)
Hego aldean nagusi dago
kolore ilun larria,
nahiz-ta baduten esperantzaren
kolore berde berria,
Iparraldean larros polita
dago nagusi jarria,
baina larrosak sorreran dauka
nahasketa nazkagarria,
aberastuen txuria eta
asesinoen gorria. (BIS)
Ikusten danez gure planeta
ez da erori grazian,
aniztasuna zan politena
behintzat nere iritzian,
orain larrosa dugu nagusi
beste danekin nahasian,
gehiago sinistuko nuke nik
Planeta honen bizian,
Urepeleko okre-berdeak
baleude mundu guzian. (BIS)
Datu-base honetan eskainitako informazioari buruz jakiteko, kontsultatu lege oharra