Bertsoak - Fitxa ikusi Atal honi buruz gehiago jakiteko
1993-07-10 Zumaia Jaialdia [Bertsoa] / Jon Enbeita
Bertsoa entzun |
1993-07-10 Zumaia Jaialdia [Bertsoa] / Jon Enbeita
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Euskal Herrian PSOE nausi,
hau azkenengo kaltea;
zer dela eta zabaldu zaion
indar horreri atea?
Zuk nahi zenduke nik bi bertsotan
hemen argi esatea;
esango dizut hitz gogor batez,
hau dezu errematea:
Garratzegia dalako, nonbait,
abertzale izatea. (bis)
Baina egia hori izan da
ta behar degu irentsi:
españolistak igo direla
eta euskaldunak jeitsi;
alperrik dira jai egunetan
mila gora ta irrintzi;
benetakoak hemen gabiltza,
batelean ezin etsi;
hitza gehiegi egiten dugu
eta egipenak gutxi. (bis)
Datu-base honetan eskainitako informazioari buruz jakiteko, kontsultatu lege oharra