BDB Bertsolaritzaren datu-basea

Informazio orokorra

Kategoria

Bat-batekoa

Saioa

1994-08-20 Bidania-Goiatz Jaialdia

Gai-jartzailea

Lizaso, Sebastian

Bertsolariak / Egileak

Arzallus, Jexus

Sarasua, Jon

Lana

Binaka gaia-emanda

Jarritako gaia

Sarasua, zu Goiazko Agerre baserria zaitugu, Jexux Arzallusen jaiotetxea. Hainbat denboran elkar ikusi gabe egon, eta zuen arteko lehenengo elkarrizketa.

Deskribapena

Doinua

Nahiz ta hiltzea derrigorra den

Neurria / Estrofaren izena

Zortziko handia (hg) / Lau puntuko handia (ip)

Edukiari buruz

Pertsonak

Arzallus, Jexus

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1994-08-20 Bidania-Goiatz Jaialdia [Bertsoa] / Jexus Arzallus, Jon Sarasua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Arzallus:
Aterpe hontan sortu nintzan ni
eguzkiaren argira,
eta metroko elurrak ere
hemendik pasatu dira,
iparraldetik ere sarritan
egoten nintzan begira,
nahi ordurako ez naiz iritsi
jaio nintzan basarrira.
J.Sarasua:
Urte askoan hainbeste ume
nitun barruan ugaldu,
halako baten mutil ihar bat
etxe ingurutik galdu,
urte mordoska pasa da eta
berriro zera azaldu,
nere ateak inoiz ez dira
horren gustora zabaldu.
Arzallus:
Hemen pasatzen nun igandea
ta baita ere astea,
hemen gertatu zen ni bezela
hamar senide haztea,
zoritxarrean gertatu bazen
ni urrutira juatea,
berriz etorri naiz eta honek
zabalik zeukan atea.
J.Sarasua:
Txikitan ondo aztertu zendun
nere aurre ta atzea,
gero arrazoi haundi batekin
tokatu zen urruntzea,
esaten zuten zuk nahi zendula
zeurea defenditzea,
gaur esker honez zabalik dezu
zure amaren etxea.
Arzallus:
Senide denen aterpe zinen
ganadu askoren larre,
oraindik ere zutikan zaude
zorioneko Agerre,
behin behar eta beso zabalik
hartua nauzu zuk gaur'e,
zu izan ezik Arzallus hau're
ez zen izango ezer'e.
J.Sarasua:
Oraindik ere gogoan daukat
famili haren garaia,
eta berriro hemen biltzea
da teilatuaren nahia,
egun haundia izanagatik
ez da zeharo alaia,
zu ikusita pozten naiz baina
nun da falta den anaia?
Arzallus:
Gaur arratsean iritsi eta
pozik egin dizut usai,
eta luzaro hola izatea
besterikan ez nuke nahi,
bota didana entzunda daukat
bihotza dardarka ta blai,
hura ere noizbait etorriko da
zaude Sarasua lasai.
J.Sarasua:
Hainbat urteko etxe zahar batek
daki zer dan lasaitzea,
baina habeek ez dute ulertzen
urruntzearen trantzea,
nik nahi nukena berriro denok
barruan kantuz biltzea,
eta orduan izango naiz ni
egi-egizko etxea.