Bertsoak - Fitxa ikusi Atal honi buruz gehiago jakiteko
1995-09-01 Hondarribia Jaialdia [Bertsoa] / Andoni Egaña
Bertsoa entzun |
1995-09-01 Hondarribia Jaialdia [Bertsoa] / Andoni Egaña
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Hitza sekula ez da izaten
bata bestearen kalko,
batzuek lodi irteten dira,
beste batzuk plako-plako.
Hitzak itzalik ba ote duen
gure gozamenerako?
Hitzak itzalik ez du gaur egun,
zergatik esan beharko:
pisu gutxitxo nola dadukan
jan egiten dugulako. (bis)
"Hitzak itzala izan behar du"
arbasoen esaera;
hitzikan ez da sekula jaten
gure legeen arabera;
pittin bat behintzat zalantza daukat,
zalantza latza gainera,
aldarrikatu egin nahi nuke
gure hitzen aldaera,
itzala ere aldatzen baita
orduarekin batera. (bis)
Erdi-pasota azaldu ohi naiz
holako toki hauetan,
baina egunez ni hitzarekin
ez naiz aritzen brometan;
baina Xebastian pentsa ezazu,
itzalik ez da gauetan,
holakoetan ez naiz ibiltzen
eskrupuloz ta penetan,
ta "maite zaitut" esaten dakit
nahiz ez maitatu benetan. (bis)
Datu-base honetan eskainitako informazioari buruz jakiteko, kontsultatu lege oharra