Bertsoak - Fitxa ikusi Atal honi buruz gehiago jakiteko
2005-10-16 Zornotza Txapelketa [Bertsoa] / Xabi Paya
| Bertsoa entzun |
2005-10-16 Zornotza Txapelketa [Bertsoa] / Xabi Paya
Neurria:
Neurri berezikoak
Kokapena:
XDZ - Xenpelar Dokumentazio Zentroa
Nire umea gogoan daukat
ia-ia egunero
oroitzapena bihurtu arte
nire bizitzan borrero;
gaur berriz hartu nahi nuke bera
nire magalean bero
gazte izan nitzen ero
gaztaroa arrazoi edo...
Konbentu baten utzi nuen behin
serora baten bezero
oraindik ere ikus nezake
begiak itxi ezkero. (bis)
Zure etxea hauxe omen da
ta orain ni nago hemen;
bizitza ona omen daukazu
hor ikusten dut nabarmen;
egia esan hona etortzeko
orain'e dudan nengoen.
Ai ama zer egin nuen!
pentsa izan banu lehen...
Damu naiz zinez, damu naiz oso
barkatu zaidazu Julen
nahiz ez dakidan zure izena
oraindik ere hala den. (bis)
Nire bizitzak zu han utzita
ez zuen egin hobera;
nire akatsak batu ditut bai
jada badauzkat sobera
baina zeozer ondo egin nahia
nahia hori zen gainera
behingoz egin dut aukera
behingoz egin dut aurrera
txirrina hor dago eta astiro
noa ni zure atera:
arren atea zabal zaidazu
bihotzarekin batera. (bis)
Datu-base honetan eskainitako informazioari buruz jakiteko, kontsultatu lege oharra