Bertsoak - Fitxa ikusi Atal honi buruz gehiago jakiteko
2009-10-10 Leitza Txapelketa [Bertsoa] / Etxahun Lekue
| Bertsoa entzun |
2009-10-10 Leitza Txapelketa [Bertsoa] / Etxahun Lekue
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Gizon txiki bat hurreratu zait
lehen atzetik abiadan
eta berari segitzeko esan
dit lasai-lasai patxadan.
Nik susmo txarra hartu diot bai
ez dakit kontu ona dan
milioi piloa ilaran
mahai gainera eraman.
Gero esan dit "Zure lagunak
sala itzazu banan-banan".
Munduko urre dana ez da nahiko
lagunak saldu ditzadan! (bis)
Herri txiki bat dugu geurea
bere mesede ta kalte
baina halere bizi nahi dugu
besteengandik aparte.
Horrexegaitik gu estuago
berriro hartu gaituzte.
Ona denik ez dut uste
ditut mila buruhauste.
Gela hontatik korrika ihes
orain egin nahiko nuke
baina mahaitik dirua kendu
ta pistola jarri dute. (bis)
Pistola eta bala ikusi
ditut beraz mahai hortan.
Oraintxe nago benetan larri
barrua daukat kolokan...
Joan nadila esan didate
ez nuen uste askotan.
Jarraituko dut borrokan
ez naiz geratuko lotan
ez nagoelako nire herria
hola saltzeko asmotan
baina atzera begiratuko
dut askozaz gehiagotan. (bis)
Datu-base honetan eskainitako informazioari buruz jakiteko, kontsultatu lege oharra