Bertsoak - Fitxa ikusi Atal honi buruz gehiago jakiteko
2007-03-18 Mendexa Jaialdia [Bertsoa] / Etxahun Lekue, Xabi Paya
| Bertsoa entzun |
2007-03-18 Mendexa Jaialdia [Bertsoa] / Etxahun Lekue, Xabi Paya
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
X. Paya: Guztia emon neban
zu izatearen truke
ta oraindik gehiago
be emongo neuke.
Zure atzetik pasata
horrenbeste urte
ze hormatan jartzea
gurako zenduke? (bis)
E. Lekue: Badakit merezita
txapeldun zarana
baina ai zer gogorra
dan txapelon lana!
Sekula ez dot sufridu
ai ama, ai ama
zuk buruan jartzean
sufridu nebana! (bis)
X. Paya: Jogurt mantxa bat deuko
zuloan atzean
ta artilea bere
buruan jartzean.
Bai, bizi izan zara
itxura beltzean
txarto tratau zaitue
Igorren etxean? (bis)
E. Lekue: Bai nahikoa eskasa
gendun Igor hori
beraz eskakizun bat
eingo deutzut zuri:
horma nigaz bakarrik
triste da agiri
bi urte barru ekarri
laguntxu bat niri. (bis)
X. Paya: Laguntxua gura dau
edarto edarto!
Neure etxean ez zara
egongo zu txarto.
Beraz hamen komodo
ipini beharko
hauxe zure etxea da
urte askorako. (bis)
E. Lekue: Baina ezagutzen dodaz
zure modukoak
harrotu ohi direnak
ta jarri gogoak.
Gu gara txapel baltz bat
kategorikoak
niri ondoan ez jarri
eskolartekoak. (bis)
X. Paya: Lasai zeu behar zaitut
ondo-ondo jagon
egunero eingo'tsut
paretan jaramon
baina orain banoa
txapela hor konpon!
Banoa ikustera
makilak zer dinon. (bis)
E. Lekue: Beraz makila dozu
ni adina maite.
Kontuz! horrek egingo
deutsu noizbait kalte
itxi nire ostean
leiho eta ate
makila itxi egizu
nigandik aparte. (bis)
Datu-base honetan eskainitako informazioari buruz jakiteko, kontsultatu lege oharra