Bertsoak - Fitxa ikusi Atal honi buruz gehiago jakiteko
1998-12-08 Markina-Xemein Jaialdia [Bertsoa] / Gregorio Larrañaga "Mañukorta", Sebastian Lizaso
Bertsoa entzun |
1998-12-08 Markina-Xemein Jaialdia [Bertsoa] / Gregorio Larrañaga "Mañukorta", Sebastian Lizaso
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Mañukorta:
Ia nire bizitza
egin da bukatu,
hirurogei urte
dira ailegatu;
ehun milioi inguru edo
nik dirutan batu,
zugana etorri naiz
nolatan gastatu.
S.Lizaso:
Zelebrea ez al da
Mañuren distira?
Galdera bat egin dit
neri belarrira;
urrutira igo da
ehun milioi neurrira;
beroana kenduta
zenbat milioi dira?
Mañukorta:
Koperatiban ba'itut
nere aitzakiak;
parrik ez du egiten
nere bekokiak;
makinan eiten ditut
pieza erokiak,
gero zeinek eingo'itu
hor goma txikiak?
S.Lizaso:
Dirua nun gastatu
pentsatzen ari da;
ahaztu zaite gomakin,
hori komeni da;
jarri atzean dagon
Unairi begira,
horri emanda erdira
bihurtuko dira.
Mañukorta:
Unaik diru gutxikin
ipintzen du plana
ta beste gauza on bat
gaur dator nigana;
entzuleekin badakit
zorretan naizana;
danoi emango'izutet
milioi erdi bana!
S.Lizaso:
Denai eman ezkero
falta azkenean;
aholkularia ni
nauzu aldamenean;
erdiak utzi itzazu
nere izenean,
mezak ateratzeko
hiltzen zeranean.
Mañukorta:
Alperrik ari zera
ekin eta ekin;
asto samarra zana
lehenagotik nekin;
mezak ateratzeko
nere diruekin,
aurretik nor juango dan
Jaungoikuak jakin!
Datu-base honetan eskainitako informazioari buruz jakiteko, kontsultatu lege oharra