Bertsoak - Fitxa ikusi Atal honi buruz gehiago jakiteko
Bertso berriak Uztapidek jarriak [Hitz bi egitera abiatu naiz gogoz eta sutsu barrendik] [Bertsoa] / Manuel Olaizola "Uztapide"
Bertso berriak Uztapidek jarriak [Hitz bi egitera abiatu naiz gogoz eta sutsu barrendik] [Bertsoa] / Manuel Olaizola "Uztapide"
Neurria:
Hamarreko handia (hg) / Bost puntuko handia (ip)
Dokumentu-mota:
Bertso-papera
Kokapena:
XDZ - Xenpelar Dokumentazio Zentroa
Itz bi eitera abiatu naiz
gogoz ta sutzu barendik,
gure euskera altxa nayian
al baliteke iñundik.
Sare polit bat zabaltzea noa
Ebro aldera Irun'dik,
arrai aundiyak arrapatzeko
andikan edo emendik,
oitura onak pixtu leizke ta
oyen laguntzaz oraindik.
Gure jauntxo askok ez dute maite
beren euskera, baterez:
gertaera ontan sentzurik duna
egon liteke negarrez.
Pentzatzen nago au nola leiken
baña ulertzen ez da errez.
Nere esanaz ori zaitezie
gabaz ezpada egunez:
Bide okerrez zuazte eta
jarri zaitezte zuzenez.
Euskalerriko sonbrerodunak
ez utzi galtzen euskerik
orren lekuan sortuko eztata
obeagorik besterik:
laguntza eske biotz besuak
dauzkagu zabal-zabalik,
gure aldera datorrenari
jokoyou txalo berorik,
diru apur bat badakar berriz
eztiyou eingo negarrik.
Amerikano batzuntzat ere
txingarra daukat pistuta,
lengo oituretan sartu baño len
il ez ditezen oztuta,
diru zilar da urriarekin
arro dabiltza poztuta,
sonberopeko kopet izurrak
asarre antzian beztuta,
Euskalerriyan jayo ziranik
gañera oso astuta.
Euskalerriyan sortuk bagera
berari deiyoun erruki.
Burua oker dabilenian
batek zer eitun eztaki,
kopet ilun oik legundu eta
begiyak argi iriki,
Amerika'tik ekarritako
ayen okerrak ebaki.
Tankera ortara lo egingo zute
lengo siaskan ederki.
Señoritak e ikusten dira
lautatik iru garu bertan
erdera gora ta erdera bera
dabiltzan leku danetan:
emen jayo ta emen aziyak
berena ez dan izkuntzan,
beren euskera maitagarriya
artu gaberik ezertan.
¡Ni lotzatzen naiz! !Oyek eztakit
zer larru duten kopetan!
Neskametzara joateidan askok
erri aundiren batera,
berialaxen egin nai dute
señoritaren papera:
alditxo bat an igaro eta
datozenian etxera
"ablando basko mal paresemos,
baserritarrak ez gera,
kerida madre, y yo no puedo
iñola egin euskera".
Baserritik e joaten diranak
neskame Donosti aldera,
apaintzen dira eztakit nola
egun batetik bestera:
"mi nobio tiene kabo primero"
"la mio sarjento tertzera"
tankera ontan mintzaten dute
parragarrizko izkera:
!Ortik aurrera nork egin azi
tuntun oyeri euskera?
Baserrietan mutilak ere
batzuk badira kirtenak,
beren izkuntza maite ez eta
erdera eztakitenak;
oitura okerrak kolkuan gorde,
arrika tira zuzenak,
txuntxun soñurik entzun nai ez ta
egiñaz dantza aztunak:
galdetu ezkero esango izute
"Gu beti gera Euskaldunak".
Lenago zabar utzi duanak
ardura izan aurrera,
edo bestela gure izkuntza
dijuakigu lurpera:
biyotza sutu, gogua piztu
ta altxa dezagun euskera
¡gure barrutin iarr....
ez guazela bestera,
gañerantzian ama onaren
seme jatorrak ez gera!
Ama euskera zarpa zar dago,
oso itxusi jantziya,
¿geren erriyan au ikusita
ez al da tamalgarriya?
Auzpezka dago negar ta negar
naigabez dana josiya,
seme guztiyak galdu zaizkala
oso osoro etziya:
EUSKALTZALEAK, biyotzik bada
piztu deyogun biziya.
EUSKALTZALEAK da bazkunari
batayoz emandako itza,
izperringi onai lagundutzeko
gañera artu gendun giltza,
oitura zarrak gordeaz, berak
luzetu deigun bizitza,
an da emen, nunai egin dezagun
gerena degun izkuntza,
gañerontzian solas oyetan
alper alperrik gabiltza.
Besterengatik asko aitu naiz,
ona neroni zein naizen:
euskeran argal, gauza txarretan
benturaz eongo naiz gizen
Jaungoikuak gaitu guziyok maite
ta ibiltzia nai du zuzen,
Luzitertarren kate gogorrak
onela dizagun eten:
lisiba on baña sarritan eiñaz
Elizan garbi gaitezen.
Bertso berriak Uztapidek jarriak [Hitz bi egitera abiatu naiz gogoz eta sutsu barrendik] [Bertsoa] / Manuel Olaizola "Uztapide"
Neurria:
Hamarreko handia (hg) / Bost puntuko handia (ip)
Dokumentu-mota:
Bertso-papera
Kokapena:
XDZ - Xenpelar Dokumentazio Zentroa
Ikusi dokumentuak:
| xdz5_btx_001217.tif |
| xdz5_btx_001218.tif |
xdz5_btx_001217.tif
Datu-base honetan eskainitako informazioari buruz jakiteko, kontsultatu lege oharra