Bertsoak - Fitxa ikusi Atal honi buruz gehiago jakiteko
Bertso berriak Albizuk jarriak: Esne biltzailea eta baserritarra [Bertsoa] / Gillermo Albizu
Bertso berriak Albizuk jarriak: Esne biltzailea eta baserritarra [Bertsoa] / Gillermo Albizu
Neurria:
Hamarreko handia (hg) / Bost puntuko handia (ip)
Dokumentu-mota:
Eskuizkribua
Kokapena:
XDZ - Xenpelar Dokumentazio Zentroa
1
ESNE.
Zai jarrita... emen nagola
esne marmitan onduan
zuri esateko gauza berri bat
neri sortu zait buruan.
Naiko ebiya eginda nola
jatena asko daguan
beiyak esnia ematen dute
iturriyaren moduan
neurrik etziran ola betetzen
azkena juan zan neguan.
2
BASE.
Egun sentiya baño lenago
jeikita nabil esnairik
goiz argiyari eltzen diyonak
ez du geroko damurik
gabeko intzik etzegoen ta
ekarri ditut janarik
zuk diyozuna entzunarekin
jarri nazu esan nairik
ez aldakizun iturritikan
ez dala etortzen esnerik.
3
ESNE.
Iturritikan ez baldin bada
esnia ematen dunik
lenaz gaiñera zerbait geiyago
orain pentsatutzen det nik.
Kanilletikan artzeko oitura
zemait etxetan izanik
leporaño ontzik betiak datoz
batzuk gañezka egiñik
esne utsakin kimikuentzat
bestela ez litzake lanik.
4
BASE.
Iñoiz edo bein baserritikan
datorren esne miari
aitzakiyarik ezin leike eman
iñork botaiyon urari.
Txukun jetzita baldin badakar
ustez ona ta ugari
bere gradutan iritxi gabe
biardan ainbeste lori
ezia asko jaten dun beiyak
ematen duna da ori.
5
ESNE.
Ondo diyozu lagun prestua
eziak berak du ura
orregatikan pentsuarekin
jarri biar da ardura.
Ez da naikua begiratzia
datorren esne mordora
eta arekin gero eskuak
bete artzen dan dirura
kalian bizi diraden oiyek
ere senideak dira.
6
BASE.
Baserrikuak urte batzutan
naikua lan izaten du
ta kaletarren laguntzarikan
ezdu oraindik izandu.
Bolara oiyetan esne askorik
beiyaidi ezin ba kendu
legorte eta izoztietan
gaxuak ! nola... gizendu
gosiak dagon abel-gorriyai
illia nundik legundu.
7
ESNE.
Goiyen dagona jetxi liteke
urte batetik bestera
lenago berak eraman zuna
askok ekartzeu ostera.
Merke daguen garaiyan saldu
galestiyan erostera
gordetziak zer baliyo duen
orretantxen ikusten da
argatik biar dira onian
txarreko kontuk atera.
8
BASE.
Urte onian naiko lanakin
eta txarrian geiyegiz
baserritar'ok ez gaitulako
iñork ikusi nai begiz.
Gure lan ori ez aldago ondo
bedeinkatua izardiz?
egun guztiyan lurrai begira
gaba lo gutxikin berriz
ta kalekuak ze jango luke
nekazariyik ez balitz.
9
ESNE.
Aurrerapenai begiratzeiyo
baserritar jakintsuak
orregatikan datozte txekor
eta txerri mamitsuak,
ollasko gizen eta olluak
arraultzaz ugaritsuak
aguro esne berritzen dira
naiz beiyak egon antzuak
oiek guztiyak egiten ditu
Panderiyako pentsuak.
10
BASE.
Aiñ ona bada luzatu gabe
jun biar det Panderia
ia len bailen egiten detan
ekarritzeko bidia.
Aziendantzat sortu badute
orlako jankai berria
guk ere biar genduan noizbait
zerbaiteren alderdia
oraindik gogoz saiya gindezko
oiyek orrela badia.
11
ESNE.
Bere tankeran jardun ezkeroz
argi ordutan lanian
bizi modua atera eziñik
ez da gaurko egunian.
Ta etxerako esandakotik
ekarri nai dezunian
zakuarekin juaten bazera
kalera zuazenian
biar dezuna emango izute
erriko almazenian.
12
BASE.
Urrutikuak ez du jakiten
gauza askoren berririk
aste osuan beingoz bestetan
ez degu ikusten erririk.
Neke azpiyan emen gabiltza
altxatu gabe gerririk
ganaduk miak ollo kaxkarrak
ta ezin gizenduz txerririk
ontaz aurrera ez ta baserrin
bizi eziñan larririk.
Bertso berriak Albizuk jarriak: Esne biltzailea eta baserritarra [Bertsoa] / Gillermo Albizu
Neurria:
Hamarreko handia (hg) / Bost puntuko handia (ip)
Dokumentu-mota:
Eskuizkribua
Kokapena:
XDZ - Xenpelar Dokumentazio Zentroa
Ikusi dokumentuak:
| xdz5_btx_000419.jpg |
xdz5_btx_000419.jpg
Datu-base honetan eskainitako informazioari buruz jakiteko, kontsultatu lege oharra