Bertsoak - Fitxa ikusi Atal honi buruz gehiago jakiteko
Eguzkia udaran [Bertsoa] / Gillermo Albizu
Eguzkia udaran [Bertsoa] / Gillermo Albizu
Neurria:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Principe De Viana [Aldizkaria] Argitalpen data:
1983-00-00
Kokapena:
XDZ - Xenpelar Dokumentazio Zentroa
Eguzki begi-bakar aundia,
danok ikusten gaituna,
urruti egon edo urbillen,
orixe gure kutuna.
Argia eta berotasuna,
biak batean dituna;
bata atsaren surpertzaillea,
besteak uxa illuna.
Alguztidunak maitasunaren
siñalez utzi diguna.
Auxen siñistu bearra degu:
geren izate guziko
eguzkirikan ez baldin ba'litz,
ez giñakela biziko.
Otza dagoen lurrean ezer
ez bailitzake aziko,
yakiña dago, au berotutzen
ez dala iñor asiko;
izadiaren ardatz zuzena
bera da lendabiziko.
Ogeieta lau orduz, eguna;
eta urtero, udara
oparotsua ekartzen digu
garai ontako bolara.
Nai duena itzalera yun;
naidunak artu galdara;
aske dagona ibil diteke
bakoitza bere galgara;
nor-nairentzat pozgarrigo da
negarra baiño algara.
Laiño ekaiztsu beltzen ondoren,
yuan zan negu gordiña
yaten gabean gosea eta
berorik ezan samiña.
Zanpatzen degun oiñ azpikoa
denontzako da egiña,
sasoi onetan maiz ikusten da
goian baindire urdiña,
eskeintzen dula guztiontzako
bere eskubide berdiña.
Gerok ezertxo eskatu ezta
olako aberastasuna
ta, aldi ontako egun luzeak
dadukaten ontasuna.
Guri komeni zaiguna, au da:
beti-zainduz osasuna,
bizi-bidea erreztutzeko
egiñik alkartasuna:
«Ezagutzea sort-erriaren
legezko askatsuna».
Esaera bat zarra ta beti
berria dan bezin gazte:
«Itxuen errin begi-bakarra
izaten dala alkate».
Gu, birekin gabiltza; baiña,
ain indar gutxi daukate;
naiz esna egon, argirik gabe
ez degu ikusten bate;
gogoa ordea erne, eguzkiak
printzarik duan bitarte.
Eguzkia udaran [Bertsoa] / Gillermo Albizu
Neurria:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Principe De Viana [Aldizkaria] Argitalpen data:
1983-00-00
Kokapena:
XDZ - Xenpelar Dokumentazio Zentroa
Ikusi dokumentuak:
| xdz5_btx_000433.jpg |
xdz5_btx_000433.jpg
Datu-base honetan eskainitako informazioari buruz jakiteko, kontsultatu lege oharra