Bertsoak - Fitxa ikusi Atal honi buruz gehiago jakiteko
Ama haurraren sehaska loharkatzen [Bertsoa] / Jean Baptiste Larralde "Dr. Larralde"
Ama haurraren sehaska loharkatzen [Bertsoa] / Jean Baptiste Larralde "Dr. Larralde"
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Californiako Eskual Herria [Aldizkaria] Argitalpen data:
1894-01-06
Kokapena:
XDZ - Xenpelar Dokumentazio Zentroa
I
Lo! lo! nere maitea,
Lo! ni naiz zurekin;
Lo! lo! paregabea,
Nigarrik ez egin.
Goizegi da munduko
Gelditzen bazira.
Nigarretan urtzeko
Baduzu denbora!
II
Lo! nik zaitut higitzen,
Lo! Lo! nonbait goza,
Ez duzuia ezagutzen
Amattoren boza?
Etsai guzietarik
Zure begiratzen.
Bertze lanak utzirik
Egonen naiz hemen.
III
Lo! lo! nere aingerua,
Bainan ametsetan,
Dabilkazu burua,
Hirria ezpainetan
Norekin othe zare?
Non othe zabiltza?
Ez urrun ama gabe
Gan, ene bihotza!
IV
Lo! lo! zeruetarat
Airatu bazare,
Ez bihur zu lurrerat
Ardietsi gabe.
Ungi zuri altxatzeko
Enetzat grazia,
Guziz eni hortako
Zait ezti bizia.
V
Lo! lo! gauak oraindik
Nonbait du eguna,
Ez da nihon argirik
Baizik izarrena.
Izarrez mintzatzean
Zutaz naiz orhoitzen,
Zein guti zure alden
Duten distiratzen!
VI
Lo! lo! denbora dela
Iduri zait albak
Histen ari tuela
Ekhigabazkoak;
Xoriak arboletan
Kantaz hasi dire;
Laster nere besoetan
Goxatuko zare.
VII
Bainan atzarri zare
Uso bat iduri,
Huna nik zenbat lore
Zuretzat ekharri.
Ametsetan ait´amez
Othe zare orhoitu?
Ai! irri maite batez
Baietz erradazu.
Transkripzioaren iturria: Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Ama haurraren sehaska loharkatzen [Bertsoa] / Jean Baptiste Larralde "Dr. Larralde"
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Californiako Eskual Herria [Aldizkaria] Argitalpen data:
1894-01-06
Kokapena:
XDZ - Xenpelar Dokumentazio Zentroa
Ikusi dokumentuak:
| xdz5_btx_000531.jpg |
xdz5_btx_000531.jpg
Datu-base honetan eskainitako informazioari buruz jakiteko, kontsultatu lege oharra