BDB Bertsolaritzaren datu-basea

Gratien Adéma « Zalduby » (1828-1907) poetaren lan hau Eskualduna kazetan argitara zen 1899. urtean, zatika, data hauetako agerraldietan (alea, urtea, hilabe-tea, eguna hurrenez-hurren) : 608, 1899.II.10 ; 611, 1899.III.3 ; 613, 1899.III.17 ; 616, 1899.IV7 ; 620, 1899.V.5 ; 624, 1899.VI.2 ; 631, 1899.VII.21 ; 636, 1899.VIII.25 ; 644, 1899.X.20. Lehen emanaldia (Quelques règles de la prosodie ou art poétique basque) Nouvelles du Pays izeneko sailean argitara zen ; ondo-rengoak, Art Poétique Basque izenpean, sail beregain modura edo.

Geroztik ez bide da argitaratu. Eta aipatu kazeta eskuraerraza ez denez, area-go, euskal literaturaren eskuliburuetan ere ia aipamenik ez denez, ezagutzeko aukerarik ere ez da izan. Hortaz, duela ehun urte argitaratu poetikalan hau ber-rargitaratzeari egoki iritzi diot, kontutan harturik, gainera, D'Abbadieren Lore Jokoen garaikoa dela. Ezen Zaldubyren xedea tradiziozko euskal neurkera zein den irakastea bada ere, argi dago Lore Jokoen garaiko neurkera dela hark tradi-ziozkotzat hartzen eta erakusten diguna.

Zaldubyren neurtiztiaren bigarren ekoizpen honetan kantuen testuetan lehen argitalpenean (Eskualduna kazetan) ageri diren hutsak zuzendurik agertarazten ditugu hemen, ustez behintzat. Leloren Kantukoak dauden-daudenean utzi ditu-gu, ordea. Bestalde, lehen edizio horretan latinezko kantuetako hitz batzuetan ae eta oe berdin idatzita baitatoz, bata edo bestea hautatu behar izan dugu. Hortaz, forma zuzendua markatu dugu, asterisko bidez, eta ondoren Eskualduna kazetan agertu forma jarri, beste asterisko baten ondoren.

Quelques règles de la prosodie ou art poétique basque
Art poétique basque