BDB Bertsolaritzaren datu-basea

Haurrek bat-batean egiteko sei karta-sortarekin osatutako bilduma. Karta-sorta bakoitza bat-bateko ariketa jakin bat lantzeko da, eta zailtasun mailaren arabera multzokatuta daude.

"Gaia sortzen" karta sortan altxa hiru karta eta zoriak sor dezala gaia! Konbinatzeko 3 elementu eskainiko dizkigu karta sorta honek: pertsonaiak, egoerak eta emozioak.

EGITEKOA
. Zenbait elementu konbinatuz, gaia sortzea.
. Horretarako, kartak 3 multzotan sailkatuko ditugu: egoerak, pertsonaiak (pertsonaia bakarra edo bi pertsonaia agertzea nahi dugun erabakiz) eta emozioa. Hiru Multzoak mahai gainean jarriko ditugu, buruz behera.
. Multzo bakoitzetik karta bat hartuko dugu, ausaz. Egokitu den egoera, pertsonaia eta emozioarekin gaia osatuko dugu.
. Sortutako gaitik abiatuta, pertsonaien arteko elkarrizketa irudikatuko dugu, bat-batean (hitz lauz edo kantuan: puntuka, kopletan zein bertsotan).

ELEMENTUAK
. Egoera
. Pertsonaia bakarra
. Bi pertsonaia
. Emozioa