Bertsoak - Fitxa ikusi Atal honi buruz gehiago jakiteko
2017-09-30 Segura Txapelketa [Bertsoa] / Nerea Elustondo
| Bertsoa entzun |
2017-09-30 Segura Txapelketa [Bertsoa] / Nerea Elustondo
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Jendarte hontan kirol kontuak
badu zeresan ugari
neronek ere ume-umetatik
izatea nahi nun handi
eta hargatik behinola baietz
esana Athelticari
asko ez dira baina hurbiltzen
dira zenbait kazetari
ta haietako batek horrela
galdera egin dit adi:
neska izanik nola demontre
ote naizen futbolari. (bis)
Amorrazioz bete naiz eta
han utzi det prentsa-gela
tipoa zer zen matxiruloa
tipoa zer zen ergela?
Neska batentzat baloia zerbait
raroa balitz bezela
pentsatuko zun nik hormonetan
zerbait raroa detela
ta esateko gogoa sartu
handik atera ta bela
nahiz ta soldata milarena den
esfortzu doblea dela. (bis)
Erantzuteko nahiz ta haseran
nuen nahiko borondate
horrelakoen esan txoroek
sarri egiten dute kalte
eta nik ere neuretzat nahi ba
fama ta eskaparate
horretarako ahaleginak
ezin dira utzi aparte
ta nik horrela jarraituko dut
ta entrenatzen jo ta ke
anekdotiko dirudiena
normala bihurtu arte. (bis)
Datu-base honetan eskainitako informazioari buruz jakiteko, kontsultatu lege oharra