Bertsoak - Fitxa ikusi Atal honi buruz gehiago jakiteko
2017-11-04 Maule-Lextarre Txapelketa [Bertsoa] / Nerea Elustondo, Julio Soto
| Bertsoa entzun |
2017-11-04 Maule-Lextarre Txapelketa [Bertsoa] / Nerea Elustondo, Julio Soto
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Soto:
Gaur Orhieta gaur Ibañeta
pasa dugu mendi frango
gure mapa ta gure taktika
biderik bide lau zango
lehen eguna iritsi zedin
gogotan nengon lehenago
baina eguna ailegatu da
ta ikaratuta nago.
N. Elustondo:
Desagertu bat dago mendian
ta sortu zaigun trantzea
ikastaroak egin ta gero
zaila baita onartzea.
Julio igual zilegi degu
gu biok ikaratzea
baina ez dakit aukera bat den
Patrol hontan geratzea.
J. Soto:
Egongo al da mendebaldean
edo hara da joanen?
Galduko al zen? Goserik al da?
Zerbait ba ote du hemen?
Hainbat galdera dauzkat bueltaka
ikur eta puntu garden
baina bakar bat denen gainetik:
bizirik egongo al den.
N. Elustondo:
Salbatzaileak izango gara
behin egindako promesan
eta ez dakit zer demoniok
hartzen zaituen sorpresan.
Gure denbora galduz gabiltza
gure zalantzatan kexan
ta bere aukerak murriztuz doaz
bizirik jarraitu dezan.
J. Soto:
Arrazoi duzu hitza ta putza
hasten gara gehienean.
Beraz lehenbailehen irten gaitezen
geure itxaropenean
bi mila eta hemezortziko
azaroaren lehenean
lore berri bat egon ez dadin
hilobi aldamenean.
N. Elustondo:
Beraz ez dedin mendia izan
beste hilotz baten aldare
joan behar dugu guk zer topatzen
ote degun parez pare.
Holakoetan burua hotza
izan behar da hala’re
bere bizia salba dezagun
gurerikan galdu gabe.
Datu-base honetan eskainitako informazioari buruz jakiteko, kontsultatu lege oharra