Bertsoak - Fitxa ikusi Atal honi buruz gehiago jakiteko
2005-12-04 Donostia Txapelketa [Bertsoa] / Unai Iturriaga, Jokin Uranga
2005-12-04 Donostia Txapelketa [Bertsoa] / Unai Iturriaga, Jokin Uranga
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J. Uranga:
Lehen zenbiltzan horren
modu ilunean
negar hamaika aldiz
egin egunean
gaur neska aurkitu dezu
hain modu xumean
joan zaite berekin
joan maitasunean
baina deitu aitari
behar dezunean.
U. Iturriaga:
Ai zure erantzunak
laztu dit azala
orain arte izan dut
nik zure magala
ta badakizu lagun
polit bat dudala;
zuk maite izan nauzu
aita oin bezala
oin beste lagun batek
maitatu nazala.
J. Uranga:
Barruraino sartu zait
gaur zure ahotsa
horrexegatik daukat
istorio motza.
Beste neska horrentzat
daukazu bihotza
bazoazela egin
didazu aitortza
nigatik pena hartzen det
zuregatik poza.
U. Iturriaga:
Hain dira hitz goxoak
hain dira samurrak
salatuko al ditu
noizbaiten gezurrak?
Begirada gaiztoak
begirada bihurrak
jasan izan ditugu
eta ez apurrak;
beldurra ematen dit
besteen beldurrak.
J. Uranga:
Besteek egindako
begiradak kasu
bihotz barruan nahiko
pena badaukazu;
gaur ordea hartu dizu
maitasunean su
maitatu goxo eta
izan zarena zu
gizarte anormal hau
aldatu ezazu.
U. Iturriaga:
Gizartea ez dago
ohituta tamalez
ikusten gaitu murritz
indarrez ta ahalez.
Lasai egin behar dut
baina etxean oles;
ondo portatu zara
ona zara zeurez
lehenengoz hartu nauzu
gizon oso bat lez.
Datu-base honetan eskainitako informazioari buruz jakiteko, kontsultatu lege oharra