Gure herria nire burua
bi-biak nola ez maita?
Batean Sortu sortu da eta
bestean hau (1) sortu baita
nire sabela borobilduaz
doa-ta nik hala nahita
udan ni ama izango omen naiz
eta gitarrista aita.
Ta beraz nere intuizio
eta senari jarraika
sormenarentzat urte ederra
da bi mila ta hamaika.
Galdetzen dinat hiri Iraia
hi beldurtuta al hago?
Une batzutan ni ere hala
egon izan naun zeharo.
Hala diote "Askatasuna
eta parrandak akabo!
Ama izanda norbera bere
buruan jabe ez dago".
Baina halere nire barruan
hots hoiek dira arraro
juxtu ni orain sentitzen bainaiz
inoiz baino askeago.
Gozatu nahi dut perfilez jarri
ta sabelaren soslaia
gozatu nahi dut azal gorrien
eta pardelen usaia
ume txikian mundua eta
nire barruko paisaia
eskaparate mediatikotik
erretiratze lasaia.
Zorionaren formula ez da
baina hau da nire nahia
ta beste gabe gozatu nahi dut
tokatzen zaidan garaia.
(1) Eskua sabelaren gainean jarri zuen.
Hil 2013-09-05
1930eko azaroaren 21ean jaio zen Biriatuko Agerre Bordan. 1954an apaiztu zen. Makeako (Lapurdi) erretore izendatu zuten 1976an, eta 27 urte egin zituen bertan (1976-2003). Apaiz izanda ere, baserriarekin eta artzaintzarekin lotura estua izaten jarraitu zuen. Gainera artzain eta laborarien alde lan handia egin zuen. Esaterako, Hazparneko (Lapurdi) Laborantza Eskolan kontularitzaz eta diruzaintzaz arduratu zen eta Berria kooperatiban ere parte hartu zuen.
Bertsozale porrokatua izanik, bertsolaritzaren alde lan handia egin zuen bere bizitza osoan. Bertsularien Lagunak Elkartearen (1980-08-18) eta Euskal Herriko Bertsozale Elkartearen (1987) sortzaile, zuzendaritza kide eta bultzatzaile izan zen urte askotan. Bertso-saio eta bertsolaritzaren inguruko saio ugari grabatu ondoren, berak bildutako funtsa Xenpelar Dokumentazio Zentroan utzi zuen, denen eskura izan zedin. Bertsolaritzak Makean duen aisialdirako lekua ere berak bideratu zuen.
"Mixel Lekuona, artzainen artzain" liburua argitaratu zen 2008an, Joxemari Iriondok idatzi eta apailatuta, Mixel Lekuonaren biografia eta haren omenezko testuak bilduz, haien artean, Sabin Intxaurraga, Iñaki Murua, Pello Esnal, Imanol Lazkano eta Xabier Euzkitzerenak.
Kanboko Arditegia apaizen egoitzan zendu zen 2013ko irailaren 5ean.
Jaio 1912-09-05
Ama du izenburua. 1939-1945 gerran ibilitakoen ohoretan 1946. urtean egina.
Honen ondoren, albokaz jotzeko "La, ra, la" leloa dakar Azkuek.
