Bertsos - View details To know more about this section
2011-05-26 Durango Jaialdia [Bertsoa] / Eneko Abasolo "Abarkas"
| Bertsoa entzun |
2011-05-26 Durango Jaialdia [Bertsoa] / Eneko Abasolo "Abarkas"
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Esaera horren ulertzearekin
jakin modu asko bada
ume-umetan dana apurtuz
iristen gara bertara
gazte aroan dena izaten da
parranda eta parranda
berrogei urte bete ondoren
gure kontzientziak hara
dena konpondu nahiean gabiz
dena uzten saiatzen gara.
Baina edadeak ipintzen gaitu
ustekabez bildurrean
nola sarritan pentsatzen dugun
azkenean, agurrean
urte luzeetan egindakoa
konpondu gau laburrean
baina azkenean pertsonak gara
ta azkeneko muturrean
gauza askorik ezin da egin
datorrenaren aurrean.
Tabakoa utzi ardoa utzi
ta denok erdi dardarka
nola medikuak analisitan
jarri dauen hainbat falta
baina nik hori ahaztu eta
beste hau nahi nuke kanta:
goza dezagun denok bizitza
ta duda denak aparta
azkenerako mundu hontara
hiltzeko jaio gara-ta!