Hil 1983-02-03
"Olerkaria, ipuingilea, kazetaria, euskaltzain urgazlea, hizlaria eta euskal kulturaren bultzatzaile sutsua izan zen Bordari. Baita bertsoetan gai-jartzaile ere. Kartzelako lanak berak asmatu omen zuen".
Iturria: Oarso Bidasoaldeko Hitza 2011-04-07
Hil 1919-02-03
"Pedro Jose Elizegi, Asteasuko Goikoerrotan jaio zen. Errotaria bizibidez.Errekaldetarren antzera, bertsolari familia dira Goikoerrotakoak ere. Pelloren anaia Joan Kruz, gero Oiartzuna ezkondu zena, arreba Sabina, Mikel Anton semea... Bautista eta Antton Kortajarena. Zizurkilgo Joakina Antonia Bengoetxearekin ezkondu eta 8 seme-alaba izan zituzten. Gizon txikia, izugarri bizkor eta bizia; azkar pentsatu eta azkar kantatu, bertso lanean plazan asko luzitzen zuena. Umore eta irria beti ezpainetan, ziria eta eztena bazuen, teste inork adina. Orduko bertsolari guztiekin kantatu zuen, herriz herri, festaz festa, txapelketa, desafioak... dei asko izaten zuen eta sekula ez zuen atzera egin ez kantu lanean eta ez bertso paperak ateratzen. Bizibidez zen bertsolari, horrela etxera behar zuen diru laguntza eramanez. Azpeitiko Euskal Festetako sariaren eta beste askoren irabazle. Hain popularra egin zen, non 1895. urtean amerikano batzuek joanetorri osoa ordainduta Arjentinara eraman zuten hango euskaldunei bertso kantatzera. 78 urterekin hil zen, bere Errotan. Euskaldunon oroimenetik ez da borratuko Pello argiaren irudi sinpatikoa."
(DORRONSORO, J. Bertsotan 1789-1936an oinarritua)
Jaio 1769-02-03
"Jose Joakin Erroizena zuen izena. Txabolategi baserrian jaioa; Hemanitik Goizuetara bidean, Urumea ibaiaren ondoan, Txirrita jaiotako Latze-zahar baserriaren inguruan.
Behin, kanpoan ari zen lanean. Bere alaba, otarrean aitarentzat bazkaria zeramala, erori egin zen bidean eta ardo botilaren muturra hautsi. Aitak, botila hartatik ardoa edaterakoan, kristal zatiren bat edo beste tragatu zuen nonbait. Horretatixe hil zen bertsolaria."
Iturria:
- DORRONSORO, Joanito. Bertsotan 1789-1936. Donostia: Gipuzkoako Ikastolen Elkartea, 1981.
Jaio 1934-02-03
Paulino Garmendia eta Bittori Galartzaren semea. Autodidakta izan da ikasketei dagokionean. Nekazari, arotz, taxista, liburu-saltzaile eta Berrobiko alkate izan da. Bere kasa zaletu, eta lagunek bultza zuten plazara. 50. hamarkadan hasi zen jendaurrean kantari, eta 1967ko Gipuzkoako Bertsolari Txapelketan txapeldun izan zen. Lau aldiz izan da finalista Euskal Herriko Bertsolari Txapelketa Nagusian: 1965, 1967, 1980 eta 1982ko edizioetan, hain zuzen ere. 1980an bideko istripuz eritu zen. Harrezkero idazteari ekin zion. Bertso liburuak eta kontakizunekoak idatzi izan ditu.
Jaio 1829-02-03
Ezkongabea. Indar handiko gizona. San Inazio arrats batean Ardotxek eta Larraburuk elkarrekin afaldu omen zuten. Ugaldetxoko Mikelentxone baserrian sagardotegia omen zen, hortxe egin omen zuten afari hori. Afalondoan bertsotan hasi omen ziren. Ardotx ez izaki Larraburu adina, eta honek menderatu bestea. Larraburu gizon gustagarria izan behar zuen, eta beste horri berriz xitala eta gizatxarra. Ardotx hori, berak nahi bezala bere gustua egin ez zuenean, kanpora atera. Eta Larraburuk segi sagardotegian. Ardotx kanpora atera bai, baina urrutira gabe, zain gelditu zen, bazter batean. Larraburu sagardotegitik atera eta Ardotx ezkutuan zegoen tokira iritsi zenean, Ardotxek harri handi bat hartu eta buruan jo zuen Larraburu. Oraindik ere esaten dute zein lekutan pasa zen hori. Mikelentxonetik berehala, Itxaso baserria dago. Bien artean, bost bat harri-eskailera, bide-txarrean. Gaur ere ikusten dira. Hantxe itxoin omen zion Ardotxek Larrabururi. Antonio Zavalak dioenez 1858, 1869 edo 1875. urtean izango zen. Handik aurrera, ez zen Larrabururekin gizonik izan. Burutik galdu egin zen. Larraburuk bertsoak jarri zizkion Ardotxi barkazioa eskainiz. Barka zaizkiguzu gure zorrak.
