BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Bertsolari Txapelketa Nagusia (16. 2013)

Performance

2013-10-05 Markina-Xemein Txapelketa

Gai-emailea

Beitia, Idoia

Bertsolaris / Authors

Laburu, Agin

Uria Albizuri, Jone

Exercise

Binaka gaia-emanda

Proposed topic

Elkarrekin lan egiten duzuen sukaldari bi zarete. Zuk, Jone, 10 kilo hartu dituzu azken urtebetean. Aginek, berriz, 10 kilo galdu ditu.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Bertso kopurua

6

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

Publication details

Argitalpenaren izenburua

[Liburua]

2013-10-05 Markina-Xemein Txapelketa [Bertsoa] / Agin Laburu, Jone Uria Albizuri

Stanza name:  Zortziko txikia (hg) / Lau puntuko txikia (ip)  Argitalpenaren izenburua:  [Liburua]
Localization:  XDZ - Xenpelar Dokumentazio Zentroa 

---

J. Uria:
Tomatea, letxuga
a ze entsalada!
Ta gero indabekin
kriston platerkada.
Hamar kilo hartu ditut
normala da hara
dena probatu behar
baita badaezpada. (bis)

A. Laburu:
Baina gero baskulan
hori da trantzea
orratza baitaukazu
goraino altxea
hazi zaizu aurrea
ta hazi atzea
lau kilo almondiga
ez da probatzea. (bis)

J. Uria:
Lau kilo almondiga
jaten ditut bale.
Eta zer baldin banaiz
albondiga zale?
Zuk ez duzu probatzen
ez plater, ez ale
zurea horren ona
ez dugun seinale. (bis)

A. Laburu:
Jone, biyok ez degu
kontu hontan antzik
nik ez det faltan bota
piper eta gatzik
eta ez naute kezkatzen
holako hainbat auzik
ni ez bainaiz gizentzen
bezeruak baizik. (bis)

J. Uria:
Baina duzu itxura
hain penagarria
nik bete-bete sano
daukat ai gerria.
Hark argaltzeko hartu
duenez neurria
laster ni izango naiz
Robinfood berria. (bis)

A. Laburu:
Denok Robinfood hori
bezela bagendu...
Askoz hobia dezu
idea hori kendu
razioa txikia
behar da mantendu
Arzak zerbaitegatik
ez baita gizendu. (bis)