Bertsos - View details To know more about this section
2008-02-23 Getxo Sariketa [Bertsoa] / Gillen Hiribarren, Karmele Mitxelena
| Bertsoa entzun |
2008-02-23 Getxo Sariketa [Bertsoa] / Gillen Hiribarren, Karmele Mitxelena
Stanza name:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localization:
XDZ - Xenpelar Dokumentazio Zentroa
K. Mitxelena: Jarri zara horren guapo
eta biak bapo-bapo
bidea hartu dugu maitea
gure etxerako.
Hau grabatu zertarako?
Ene zenbat mila kako!
Pentsatu nahi dut soilik dela hau
oroimenerako. (bis)
G. Hiribarren: Isildu eta gozatu
maitasunetik jastatu
bien artean goxotasuna
dadien geratu.
Ez zaitezela trabatu
bideo kamara ahaztu
maitasunaren goxotasun hau
ez dain ezabatu. (bis)
K. Mitxelena: Baina begira hau zer den
hoztu bainaiz hoztu hemen
zure iruzurra ikusi baitut
aurrean nabarmen.
Gozatu nahi nuen zeren
nik zu maite zaitut gehien
ahaztezina izatea behintzat
lortu duzu Gillen. (bis)
G. Hiribarren: Nahiz ta nere miseria
bihurtu den zailegia
gezur batentzat ezin da gorde
gu bien egia.
Bota zagun izerdia
hori ez da gehiegia
maitasunaren lansari hortan
zuretzat erdia. (bis)
K. Mitxelena: Hasi gara muxuz muxu
ta bihurtu dugu luxu
negozioa egin nahi duzu
ta harritu nauzu.
Beste bat bilatu aizu!
Ze, hori tokatzen zaizu
gure harremana pelikula bat
dela uste baduzu! (bis)
G. Hiribarren: Aberastasun gordina
antzua eta zikina
bien artean segi dezagun
gure ahalegina.
Nahiz ta eman dizun mina
bizian untsa egina
maitasun denek izaten dute
beren etekina. (bis)