Bertsos - View details To know more about this section
Murde D'Abbady Handia [Bertsoa]
Murde D'Abbady Handia [Bertsoa]
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I.
Murde d´Abbady handia,
Utz-azu hurbiltzera
Gazte hauien konpainia
Gure ingurutara.
Adi zatzu zenbait phertsu
Zuretzat moldatuak.
Zeinak segur baititugu
Bihotzetik hartuak.
II.
Uropa guzian eta
Bai hainitz haratago,
Zure izen distianta
Barraiatua dago;
Frantzian ohorez eta
Tituluz gainditua,
Zuzenez ikhusia da
Zuk duzun meritua.
III.
Abantail glorios hoiek
Ditugu admiratzen,
Zure baithan ikhusiek
Gaituzte hagitz phozten:
Maithe duzun herri honi
Haietarik gloria
Heldu zaiona, segurki
Ez baita, ez, ttipia.
IV.
Baina zutan gu xarmatzen
Gaituen berthutea
Ez baituzu guphidesten
Hain goratik jaustea.
Bethi arrai eta laino
Gurekin balzatzea,
Gizon handi egiazko
Hori baita agertzea.
V.
Zaitugunean ikhusten
Guk gapeluarekin,
Gorphutza ere birundatzen
Gerriko zetarekin;
Oinetakotzat hartuak
Gure ezpartinetarik,
Badiogu: ah! mutilak,
Jaun hau duk guretarik.
VI.
Baina nola mintza hemen
Zuk establitu primez?
Zure bihotz noblearen
Erakuspen handiez:
Hek gure plaza ederrari
Diote ematen ospe,
Baita herri guziari
Abantail eta ohore.
VII.
Haien bidez dire ikhusten
Toki huntan bilduak
Eskual-herrietan diren
Jokari famatuak:
Eta dire ikhuskari
Ederrenak hedatzen,
Baita herrian urrozki
Asko moltsa gixentzen.
VIII
Esker beraz eta ohore
Murde d´Abbady, zuri,
Gure herri on hau maithe
Hainbertze duzunari:
Gure mihiek zaituzte
Bethi ohoraturen,
Gure bihotz onek ere
Zaituzte maithaturen.
IX
Zaren gure Urruñaren
Luze edergailua,
Hori da gure bihotzen
Zerurako botua:
Bai dakezun galdez gaude
Hemen urthe luzerik,
Eta errezibi ohore
Gure ondokoetarik.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/