Bertsos - View details To know more about this section
Emazte edalea [Bertsoa] / Leon Elizanburu
Emazte edalea [Bertsoa] / Leon Elizanburu
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Munduan ikhusten da hainitz bizio,
Hoberenetik ere deus ez balio;
Bainan halere
Ohituz geroz hartan, bertzeak bertze,
Zor edo hartze,
Ezin arnega daite, arras hil arte. (Bis)
II
Emazte edalea da higuingarri,
Dabilan urrhatsetan hain hirrigarri
Haren manera?
Zokhoz zokho batetik eta bertzera
Sar et´athera:
Sabeletik ez hotza doha etxera. (Bis)
III
Flasko muthur luze bat, bethi gordea,
Ostaturat badaki ongi bidea;
Balitz erraile
Edari xuri gorri zenbat suerte
Ahal lakike.
Ibilirik senharrak deus jakin gabe. (Bis)
IV
Zaku bat mandatari, bihiz bethea,
Irauten duen arte badu bakea;
Gero behar du
Ohe eta athorez egin merkhatu,
Dohainik saldu:
Senharra egin liro, ahalik balu! (Bis)
V
Emazte edalea alferketari,
Hauzorat joan eta, berri kondari.
Egun erdiak,
Senharra eta haurrak, landan guziak,
Erdi goseak:
Artha guti heietaz zintzur luzeak. (Bis)
VI
Ama biziotsua, hire haurrentzat
Mundura sorthu hintzen, heien kaltetzat
Dudarik gabe.
Nork nahi dun har detzan etxeko andre,
Ez egin jabe:
Beldurrez hi bezala, diren edale. (Bis)
VII
Emazteki zoroa, hik zahartzean,
Egoitzarik ez duken sarri etxean,
Luza etziron.
Umekin ere ezin haiteke egon,
Deusetan ez hon;
Lehengo adixkidek ez nahi nehon. (Bis)
VIII
Bizi iraganari, ukho eginik,
Sar beraz hire baithan orai beretik;
Othoitz Jainkoa,
Izan ez hadiela, ez lehengoa,
Ez hain flakoa:
Etxean emanen dun, bake osoa. (Bis)
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/