Bertsos - View details To know more about this section
Mundu hunetan hainitz emaztek [Bertsoa] / Beñat Dorbe
Mundu hunetan hainitz emaztek [Bertsoa] / Beñat Dorbe
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Mundu hunetan hanitz emaztek edaria maite dute
Bethi barnean hildurak eta zintzurrak egarri triste
Dugun nafar edo agorient den merke edo kario,
Gastuari halakoa denak nehoiz behatzen eztio.
II
Estomakatik bethi flakezan indarrez dire gutitzen,
Maiz zerbeit hartu beharra dute direnaz gero herbaltzen
Emasabelak apur bat ere uzten ez ditu bakean,
Edari xorta bat baitezpada behar dukete barnean.
III
Xorta bat orai laster bertze bat ixilik edo ageri,
Nakhasdura guti izaten da nahiz izan borthitzegi;
Erratea etzaie ahanzten nihor bada aldaketan,
Ez litzaiket errex ohitzea edari borthitz hunetan.
IV
Zer da gertatzen bethi hortarik bizioan dire sartzen
Etxeko lanez orhoitu gabe edaria gogoratzen,
Deusez konturik, guziak trebes ahulkeria hauzoan,
Hitz onak baino maizago tuzte juramentuak ahoan.
V
Jaunzkietarik seinale dire emazteki edaileak,
Zaia zikina, mothoa makur artharik gabe ileak,
-
-
VI
Soilarutako arto-ogiek irauten ahal duteino,
Konkuila beltx bat bidean dabil ostatutik etxeraino,
Denbora guti hustuz geroztik etxean du iragaiten,
Berak ez pada mandatariak lasterrez dute bethetzen.
VII
Ah! Zer bizia daramatena mundurat sorthuz geroztik,
Goizean goizik abiatuak garraioan ostatutik.
Begiak gorri, mihia motel, arratseko loa segur,
Berotuz geroz ongi sabela ez dire sorginen beldur.
VIII
Edarian ohitzearekin bada bertze biziorik,
Bertzen gauzetan nihoiz lotzeko ez dukete ahalkerik,
Lore ederra garbitasuna eta guziz berezia,
Edanari emanez geroztik laster dute ahantzia.
IX
Hamabortz egunetarik dugu hauzo-herrian merkatu,
Gutiz gehienek nahi dute nolazpait hartan agertu,
Emaztekiak dire komunzki lehia handi horrekin,
Denbora errexki daramate hagitz tratu gutirekin.
X
Oren bat edo bien buruan etxetik ilkiz geroztik,
barneak zerbait galdegiten du ezti edo garratzetik,
Karrika hoitan bada zer hauta biskotxa ttiki batekin,
Azkenik hiltzen denak, diote, guziak pagatuko tin.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/