BDB Bertsolaritzaren datu-basea

General information

Kategoria

Ez bat-batekoa

Periodical Performance

Lore Jokoak (7. 1857. Urruña) Idatzizkoa

Bertsolaris / Authors

Seilharux, Bethiri

Description

Title

Zure begiek egun zer duten

Dokumentuan jasotako izenburua

Zure begiek egun zer duten

Dokumentuan jasotako bertsoaren hasiera

Zure begiek egun zer duten

Date

1857-00-00

Melody

Donostiako hiru damatxo A

Stanza name

Zortziko handia (hg) / Lau puntuko handia (ip)

Bertso kopurua

13

Bertso dokumentu mota

Liburua

Content

Interneten

http://hedatuz.euskomedia.org/4008/

Localization

Localization

XDZ - Xenpelar Dokumentazio Zentroa

Publication details

Argitalpenaren izenburua

[Liburua]

Zure begiek egun zer duten [Bertsoa] / Bethiri Seilharux

Stanza name:  Zortziko handia (hg) / Lau puntuko handia (ip)  Dokumentu-mota:  Liburua  Argitalpenaren izenburua:  [Liburua]
Localization:  XDZ - Xenpelar Dokumentazio Zentroa 

---

I.
Zure begiek egun zer duten,
Gana, nahi nuke jakin:
Birloratuak zaizkit zabaltzen,
Lele aire on batekin.
Betri, khendurik hedoi tzar horiek burutik,
Zagozkit, othoi, ixilik.

II.
Zure mothoa lazoki horla
Zerk deramaka gibelat:
Utziz kopeta bera bezala
Bilhoak hartzi kanporat.
Betri khendurik, &

III.
Zaia horiek erdi lothuak,
Abian dire beheiti:
Alde batetik lurreratuak,
Alde bertzetik goregi.
Betri khendurik, &

IV.
Goizetik arrats bazinaudezke,
Alki horretan jarria:
Ez zagozkela uste daiteke
Errexki xutik jaikia.
Betri khendurik, &

V.
Baduzu nekhe zure kiloa
Gerrian seguratzeko.
Ardatzak maiz du erorikoa,
Eztakit sobra zertako.
Betri khendurik, &

VI.
Goizetik hainitz baderasazu,
Tonua ere gorasko,
Egiaz, damu gaiztorik duzu
Zure mihia motelsko.
Betri khendurik, &

VII.
Zoko orotan badadukazu
Boteila erdi-hustua,
Gehiegitan hezatzen duzu
Argorientaz musua.
Betri khendurik &.

VIII.
Boteila erthuts bat ediren dut
Ohe-ister gibelean,
Jaiki nahia miresten eztut
Maiz baduzu zuk gauean.
Betri khendurik, &.

IX.
Alki hortarik jaiki orduko
Pareta-ketan zabiltza.
Hark lagundurik atxikitzeko,
Berdintsu zure balentza.
Betri khendurik, &.

X.
Emazte tzar bat hor dabilkizu,
Mezu ixilka, madrea:
Saldurik zerbait ekhartzen dautzu,
Konkuila bethe bethea.
Betri khendurik, &.

XI.
Urmariatuaz dohakigu
Seilharuan bihi-pila,
Armariotik suntsitzen zaiku
Metan zagoen oihala.
Betri khendurik, &.

XII.
Haur gaixo hoiek erdi-bilhuzi
Ihauska dabiltz athean:
Neroni nabil segur maizegi
Galtzak zilhotsu soinean.
Betri khendurik, &.

XIII.
Othoizten zaitut Gana, minekin
Utz-azu bizio hori:
Non ez, zoriz bertze hainitzekin
Errekara gioazi.
Betri khendurik, &.

Iturria.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/