Bertsos - View details To know more about this section
Eskaldunen laudorioen gainean [Bertsoa] / Arnaud Haramboure "Ziburuko Xantrea"
Eskaldunen laudorioen gainean [Bertsoa] / Arnaud Haramboure "Ziburuko Xantrea"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
Errepika:
Kanta detzagun, kanta detzagun
Gure laudorio onak,
Bozak juntatuz erran dezagun,
Biba, biba Eskaldunak.
I
Arbola zer den fruituetarik laster duk ezagutzen
Gure eginek ondoren ondo gora ditek frogatzen.
Kanta &
II
Lurrarekin borroka haitzeko gaituk paregabeak
Gure besoak aitzurrarekin ezin ohituzkoak.
Kanta &
III
Bihotz samurrak guziz gainetik dituk eskaldunenak
Behar ordutan diren guziak bethi sokorrituak.
Kanta &
IV
Zuzentasuna, leialtasuna gure baithan aurkhitzen
Traidorekeria zer den ere ez dugu ezagutzen.
Kanta &
V
Batasunean bozkarioan gure egunak kurritzen,
Gostu errexak dugunaz kontent grina gabe bizitzen.
Kanta &
VI
Gure bestetan alegeraki plazarata atheratzen
Pilota gora hanitz artexki urrun diagu ibiltzen.
Kanta &
VII
Eskaldunaren gozo maitea pilotako jokua,
Joko ederra, inozentena, ez aski laudatua.
Kanta &
VIII
Gorphutz ederrak gure artean usu dire kondatzen,
Enperadorek guardiakotzat denetarik behexten.
Kanta &
IX
Zalutasuna gurea dela ezin duk ukatua,
Lasterka guri eremailea oraino sortzekua.
Kanta &
X
Kuraiak behinere oraino ez dauku ukho egin,
Zertan nahi den non nahi den eskalduna bethi aintzin.
Kanta &
XI
Gure zaharrak mende gorenak zauzkatek ehortzirik
Egin ederrak ondokueri etsenplutzat utzirik.
Kanta &
XII
Gudu handitan lehoinen pare hek ditiztek ikusi
Etsai doble eta ez behin egorririk ihesi.
Kanta &
XIII
Libertateak ihes lekua eskaldunei galdetu
Hunen banderak gure menditan bethi du distiatu.
Kanta &
XIV
Zesarrek berak bere fulian ezin gaitu bentzutu
Haren arranoak gu bezin gora ezin tuk hegaldatu.
Kanta &
XV
Leihorrean bezin on gaituk itsasoan agertzeko
Hemen ere gure kopetek ez ditek ahalkatzeko.
Kanta &
XVI
Mundu guziak guri ohore zuzen duk bihurtzea
Guk dugulakotz itsasoari hartu lehen balea.
Kanta &
XVII
Zer izan garen nahi badute hauzuek ere aithortu
Erranen ditek hanbat aldiz ditugula ikaratu.
Kanta &
XVIII
Gutarteko itsasgizonak orotan diztek maithatzen
Dudarik gabe zerbeit onik diotelakotz kausitzen.
Kanta &
XIX
Izatu dituk orai baituk izanen ondokuetan
Notarik gabe, gure izena beiratzeko mendetan.
Kanta &
XX
Kuraia beraz, lagun maiteak, gora gora burubak,
Gure zainetan bethi dezala kurri Eskaldun odolak.
Kanta &
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/