Bertsos - View details To know more about this section
Makila: Bethi izan da mentan [Bertsoa] / Jean Martin Hiribarren
Makila: Bethi izan da mentan [Bertsoa] / Jean Martin Hiribarren
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Bethi izan da mentan
Lurrean makila,
Hura zen hainitz mendez
Nausien itzala,
Marexalez herriak badire
Hek Eskal Herriak behar dire.
II
Nausien izarirat
Iduriz eginak,
Makilaren uzterat
Ez diren emanak.
III
Etzenean khororik
Erregen indar zen,
Zaintzeko gaiztotarik
Beharra da gauzen.
Marexalez &
IV
Makila bat eskuan,
Agurka bazterrak,
Handi ziren tronuan
Babyloniarrak.
Marexalez &
V
Erromulen makila,
Hanbat aiphatua,
Zerutik jautsi zela
Izan asmatua.
Marexalez &
VI
Toki zahar askotan
Ageri oraino,
Jainkoen eskuetan
Zigor Erromano.
Marexalez &
VII
Etziren guti handi
Frantses erregeak,
Makila urrez gaindi
Hastean mendeak.
Marexalez &
VIII
Ematean makila
Nausiek norbaiti,
Erran nahi on zela
Higateko goiti.
Marexalez &
IX
Errege Elizako
Jaun aphezpikua:
Makila du handiko
Itxura hautua.
Marexalez &
X
Nihoiz ez eskaldunak
Mendez ganbiatu,
Gero lehen zirenak
Makilak izartu.
Marexalez &
XI
Jaun d´Abbadiek beraz,
Eskainiz makila,
Adirazten eskaraz
Herriko ezkila.
Marexalez &
XII
Heldu bazait eskurat
Aphaindu makila,
Joanen naiz etxerat
Nola Marexala.
Marexalez &
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/