Bertsos - View details To know more about this section
Sortzez eskualduna naiz eta [Bertsoa] / Joanes Etxeto "Senpereko Errient"
Sortzez eskualduna naiz eta [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Sortzez eskualduna naiz eta
Egia erraitia dut maite.
Gizonak elhez tronpatu-ta
Ez dut irabazi uste.
Nahi naiz mintzatu jokoetan
Gizonen galgarrietaz
Erranen dut xede onetan
Zenbait hitz hemen pilotaz. (bis)
II
Juan nadin huna eta hara,
Kausitzen tut pilotari
Gazteak hasirik jokora,
Zaharrak aldiz jujari,
Pasionia dute bere gida,
Bai hori gauza segura,
Nork erran dezake segida,
Zenbat den maiz kaltekorra. (bis)
III
Ikusi ditut gazteriak
Juaiten herritik herrira,
Phestan elgargana bilduak,
Nola armadak gerlara.
Elizan bisitarik ez da
Heien ganikan ukhanen,
Plaza edo ostatua da
Heien hautukua izanen. (bis)
IV
Han urria ta zilharra ez dire
Partidan gupidetsiak.
Pobrentzat bi ardit ez dire
Jokoko dire guziak.
Hortarik ageri zer den
Phestaren izpiritua.
Libertinkeria nola den
Han bethi pratikatua. (bis)
V
Pilotarientzat igandiak
Ongi unhatzekuak dire,
Jainkuak pausatzeko eginak,
Heientzat nekhezkuak dire.
Mainetzak goizian hasi eta
Arratsian gelditzen dire.
Eguna profanatu eta
Nola kofesatzen dire (bis).
VI
Pilota jokotik lekhora,
Segur da deboxkeria.
Egunen profanazionera
Konpliki laxokeria,
Zeren handia baratu eta
Baidohazi ostatura
Plazan gastatzen hasi eta,
Han arraso finitzera. (bis)
VII
Ikusi ditut hainitz herri
Pilotariz famatuak.
Ibiltzen ziren herriz herri
Bazituzten amarruak.
Partida egiten hartzen ziren,
Nork erran hango adreziak?
Onduan zer bilhakatu ziren!
Pobre hil ziren guziak. (bis)
VIII
Partidetan pilotariak
Badirade izan dunak.
Eginikan ero galtziak,
Guti senditzen dutenak.
Bainan bertze hainitzen baitan
Bertzela da bai gertatzen,
Sofriaraziz familietan,
Mubleak tuzte jokhatzen. (bis)
IX
Pilotari heien artean
Izan dire traidoreak.
Kontrarinekin aditzean,
Bere launen galtzaileak.
Nork erranen du krima horren
Hedadura nolakua den?
Munduan ez da halakuaren
Deskansurikan izanen. (bis)
X
Gizon prestuak bere umeak
Bertzela tu erematen,
Pilotaren amodiuak
Ez dituze hatzematen.
Zeren harentzateko sua
Baitiote apartarazten
Adiaraziz lanen zentzua
Zenbat duen galarazten. (bis)
XI
Toki hauk pilota utzita
Litezke ganbiatuko.
Pisionezko jokuak utzi-ta
Gizonek lana maiteko.
Orduan larreak haintzurtuz
Balukete fruitu frango.
Bethi prestua gida hartuz.
Jendia baita zuzenago. (bis)
XII
Pilotaz hola mintzatu-ta,
Ez dut erraitia utziko,
Pleika dela dudarik ezta
Gaztien leherrarazteko.
Pilota baino hainitzetan
Da seurki nekhatzezinago.
Thonbarat ditu gaztietan
Segur eremaiten frango. (bis)
XIII
Izan zen bat gazten artian
Joko hortan nausiena,
Lehenik hasi zen Frantzian,
Gero Espainian barna,
Han bien kontra jokhatu zen
Nork erran haren sukharra!
Laster jokotik gelditu zen:
Hatzeman zen hil gogorra. (bis)
XIV
Azken bertsuan gaztieri
Nahi diotet adiarazi,
Ez diten izan sobra egarri,
Ez lagunak galarazi.
Errekreazione honestak
Familian pratikatuz
Zeruko aingeruen phestak
Izanen dire doblatuz. (bis).
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/