Bertsos - View details To know more about this section
Enperadoria [Bertsoa] / Joanes Etxeto "Senpereko Errient"
Enperadoria [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
Refraina:
Enperadoria frantsesen aita,
Bai dezagun orok kanta.
Horren podoria handia da-ta
Bai, dezagun bai, handizki maita.
I
Juan den urthean urtharilean
Akzident bat izatu da.
Paris barnean kapitalean,
Hainitz jende xahutu izan da.
Hirur deskargu ein dira.
Guzien aita huts egin dute.
Gauzak hola joanak dire,
Bai mirakuluz huts egin dute.
Enperadoria...
II
Bai familia Inperiala
Kolpe hortan salbu izan da,
Probidentzia landa dadila,
Frantziarentzat bonurra izan da.
Bainan kolpatu gaixoek
Zer zorthe tristea izan dute!
Heien sofrikarioek
Zer bihotz mina ematen dute!
Enperadoria...
III
Kolpatuetan zenbat hil dire.
Jainkoari zer juan dute?
Jujamenduan agertu dire,
Bere finala hartua dute.
Hekin famila gaixoek
Zenbat erregret, zer pena dute!
Bainan gelditzen direnek
Zerbait segida harturen dute.
Enperadoria...
IV
Gaixtagin hekiyen instrumentak
Deitzen ziren infernalak.
Zeren baitziren hark asmatuak
Bai eta ere pozoindatuak.
Nork erran hekien lana!
Heien forma zen udariarena.
Ez gaiten beraz engana,
Etsaiak emana zen bai plana.
Enperadoria...
V
Instrumenta hek deituak ziren:
Diferenki bonbak ziren.
Bai balaz ungi kargatzen ziren,
Efetua re halakoa izan zen.
Nork erran hango brexada!
Oi, zenbat jende masakratuak!
Bainan Jainkua gure alde da.
Hark laguntzen tu bethi prestuak.
Enperadoria...
VI
Gure jabiaren karitatea
Mement hartan agertu da.
Ahantzirikan bere kaltea,
Biktima hetaz okupatu da.
Hainitz ongi zinez betheitu
Jeneroski agertu izan da,
Heien oihuak aituitu.
Heien ait’ontzat zerbitzatu da.
Enperadoria...
VII
Instrument heien obratzaileak
Biltzen ziren Angletarren.
Beren tokitik desterratuak,
Han egoitzaren egiliak ziren.
Karnaia zuten gogoan,
Bai mundu guzia nahasteko,
Bainan oraiko aldian
Jainkuak ditu beriak ikhusico.
Enperadoria...
VIII
Nork erran diro norainokua zen
Gaixto heien errabia?
Seurki bistan da biktima eitia zen,
Mundu huntako heien gloria.
Zer krima izigarria!
Bai zer laidua zeruaren kontra!
Nork erran zoin zen handia
Heien herra bai gizonen kontra!
Enperadoria...
IX
Laur gizon ziren tiratzaileak
Gure jabiaren gainera,
Laurak ongitto amarratuak,
Emanak izan ziren lezera.
Kaxot ikharagarria
Izan zen beraz heien ohea.
Etzen ez erhokeria,
Hek gisa hortan segurtatzea.
Enperadoria...
X
Jujamenduan heien puniza,
Izan zen bai azkenekua,
Etzen ez, sobra eta kapriza,
Mundutikan kasatzia holakua!
Gaixtaginak libro utzita
Nolakua laite onen bizia
Prestuek lephua utzita
Segur lukete fite partitzia.
Enperadoria...
XI
Aintzidarien mirail handia,
Bai bonurrez salbu izan da.
Horren eseiuz gure Frantzia
Bai hainitzetan urusagua da.
Ez gaiten beraz gu bara,
Oi horren gure aita deitzeari,
Izan dezagun bai kharra,
Jabe horren obeditzeari.
Enperadoria...
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/