Bertsos - View details To know more about this section
Langilea [Bertsoa] / Victor Elizagarai "Kanbo"
Langilea [Bertsoa] / Victor Elizagarai "Kanbo"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Langilea, nahi zaitut khantatu,
Oi! zoin zaren estimagarria,
Lana dela nahi nuke frogatu,
Aisiaren ithurri garbia (Bis).
II
Ez estona, ez baditut khantatzen
Gerlarien gudu bitoriak,
Hainitz ditut gehiago prezatzen,
Zure lana, zure izerdiak. (bis)
III
Gozo bada, etsaiak bentzuturik
Familian trionphan sartzea,
Hain gozo zaut lanean atxiturik
Deskantsuan gostuz phausatzea. (bis)
IV
Bitoria, eremaiten denean,
Bethi norbait badago tristerik,
Segur bertze zorion da lanean,
Hartan ez da etsai gathiburik. (bis)
V
Errazue, Printze soberanoak,
Langilerik ez balitz lur huntan,
Non litezke zuen Palazioak?
Zer liteke zuen mahainetan? (bis)
VI
Fruitu bazen edo belhar erroak
Litzatezke zuen janhariak,
Harroka bat, bertzenaz haitz zilhoak,
Zuen etxe, zuen jauregiak. (bis)
VII
Langileak, bethi bizi garbia
Gogotik jan eta gostuz edan,
Apetitu, nekhez irabazia,
Hari nihork ez dezoke eraman. (Bis)
VIII
Langilea, jaten duen ogia
Nahiz duen izerdiz bustitzen:
Pena nekhez, erosi hazkurria,
Du bederen aise diseinitzen. (bis)
IX
Ahantzirik pena nahigabeak,
Zoin gostuz den phausuaz gozatzen,
Nondik nahi buha dezan haizeak,
Arrats oroz da kontent lokhartzen. (bis)
X
Lanak ez du, erran dadin egia,
Hitzemaiten aberastasuna,
Bainan hark du segurtatzen aisia,
Aisian da bethi zoriona. (bis).
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/