Bertsos - View details To know more about this section
Urzo gazte baten lehen egalda [Bertsoa] / Martin Guilbeau
Urzo gazte baten lehen egalda [Bertsoa] / Martin Guilbeau
Argitalpenaren izenburua: [Liburua]
I
Urzo xuri bat goizean
Ikusi dut jeikitzean,
Nahiz ez ziren nere begiak
Arras ungi idekiak.
“Egun ona” diot eman:
“Gauza bera deraut erran”. (berriz)
II
Jadanikan planadiak
Xoriak eta mendiak,
Nork batez zituen iragan
Laphurdi gibelat eman,
Deusek ez du gure kharra
Ez baratzen aire harra. (berriz)
III
Urzo xuria zerk zaitu?
Zerk bihotza enganatu?
Norat zohazi horrela, norat?
Nafarroako alderat
Zer duzu utziz Frantzia?
Bilhatzen libertatea. (berriz)
IV
Ez dut ekiaren pean
Ikusi ene bizian
Zu baino gauza ederragorik,
Zu paretzeko gai denik,
Zu galtzea da urzoa,
Lastima egiazkoa. (berriz)
V
Iduzkia atheratzen,
Uhartzetikan hasten zen,
Larrun alderat zen lorietan,
Urzoa joan airetan,
Noiz eta ere bet betan,
Hartua baita saretan. (berriz)
VI
Laphurdin zuen eguna
Egunetan ederrena!
Ikusi haran zelhaia pean,
Ondikotz oren menean!
Oi, hala behar krudela!
Hik huen, hik, nahi hala. (berriz)
VII
Ez dagoenean denbora
Zertako duzu nigarra?
Adio, Laphurdi maiteari,
Zure jaio lekhuari!
Ahal diozu erraiten,
Ez duzu, ez ikusiren... (berriz).
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/