Bertsos - View details To know more about this section
Amatxi zahar batek (Istorio xaharra) [Bertsoa] / Jean Baptiste Larralde "Dr. Larralde"
Amatxi zahar batek (Istorio xaharra) [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Amatxi xahar batek hotzetan neguan
Iruten hari zela suphazter xokoan,
Khondatu daut miletan bethi gauza berri,
Istorio luze bat, huna zein, laburzki.
II
Hirur gizon zoazen, bideak emanik,
Elkharrekilan lagun, behin, merkhatutik,
Bata zen eskalduna, bertze bat kaskoina,
Ez naiz orhoitzen nongo zen hirugarrena.
III
Nola denborak tinke baitzuen berotu,
Gure merkhatiarrak ziren egarritu,
Gorphutzak izerditan, ur hotzaren beldur,
Ostaturat gan ziren, nahiz motxak zimur.
IV
Han, laster egarria zuten arnoz hautsi,
Larrutik izerdia bertzetarat jautsi,
Bainan errexenetik hasi zuten lana!
Nola pagatuko da tabernako jauna?
V
Ikharetan kaskoina, zerurat begira,
Ez jakinez zer egin, eta ez norat bira,
Badago gogoetan, bainan, kolpez, gero,
Altxatzen da, bederen hotz zen bezen bero.
VI
Huna zer zaitan, dio, jaunak bururatu:
Poko gisa, gaur, diruz, amets inen dugu,
Zein ere aberatsena baita geldituko,
Harrek eskutik, bihar, ez du pagatuko.
VII
Batek bai, bertzeak bai, gauza zen onhetsi,
Eta amets puxantenak denek ardietsi,
Soilarua Kaskoinak, urrez du kargatu,
Diamantez bertzeak guphelak gainditu.
VIII
Eskualdunak, azkenik, bere laguneri,
Huna orai, nere ametsa: zein den izigarri,
Zuen obra onen dako zaituztela urkhatu,
Ni gelditu naizela zuen bien premu.
IX
Beraz, gastuetarik eskualduna kanpo,
Ostatutik ilkhi zen, diotenaz goixko,
Bertze biak ez hain goiz nola zuten nahi,
Beren amets ederrak utzirikan bahi.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/