Bertsos - View details To know more about this section
Soldagoatik Eskual Herrirat [Bertsoa] / Tomas Elizalde "Ainhoarra"
Soldagoatik Eskual Herrirat [Bertsoa] / Tomas Elizalde "Ainhoarra"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Zorigaitzez egun batez zortheak atzemanik,
Nere burhaso zaharrak nigarretan utzirik,
Soldado nintzela bada harmetan paraturik,
Ninduten urrun eraman, urrun Eskual-herritik.
II
Sor-lekhutik urruntzea zoin den lastimagarri!
Maite guzien uztea, oi zein erdiragarri!
Nik ez nuke sekulakotz adios erran nahi
Ez nere etxekoeri, ez Eskual-herriari.
III
Laster igorri ninduten Afrikaren barnera;
Laur urthe han egon eta deithu Italiara;
Lekhu orotarik bethi hegalekin bezala,
Gogoa zaitan airatzen arin Eskual-herrira.
IV
Italiako lurrean sartuz geroz Frantsesak,
Oi, nolako sarraskiak! Oi, zer gizon galtzeak!
Odol-hibaiez dirade han gorritu bazterrak,
Holakorik ez dezala ikhus Eskual-herriak.
V
Burhaso gaixo hoitarik semeak galdurikan,
Zenbatak ez dire jarri auhenik minenetan!
Gure Jainko zerukoak hoin bihotz-min handitan,
Beira gaitzal-erortzetik, guziz Eskual-herrian.
VI
Eskualdunen omenari ez diot egin ukho,
Nere sabre-baionetak, maiz agertu lekhuko;
Solferinon kolpaturik zioten gehiago
Ez nintzela ez bizirik, ni Eskual-herrirako!
VII
Atsulaiko bizkarrean Ainhoako kapera,
Handu nere ama onak othoitz egin ardura,
Aingeruen Erreginak bidal nezan etxera,
Bizirik eta osorik ekhar Eskual-herrira.
VIII
Nere ama entzun duzu, oi Andre amultsua!
Azken hatserat nindagon jadanik hurbildua,
Zuri esker baizen ez dut nik beiratu bizia,
Zuri esker ikusi dut berriz Eskual-herria!
IX
Mundarraingo mendi hori bethi kopeta gora,
Ikhusteak phizten deraut bihotzean pilpira,
Italiako lurretik eri nintzen athera,
Bainan sendatu heltzean gure Eskual-herrira.
X
Irriskuak iraganik trankil orai etxean,
Hauxe diot Jainkoari galdetzen azkenean:
Bizi nadin hainitz urthez aitamekin batean
Nere egunak higatuz Eskual-herri maitean.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/